मुंबई - अमेरिकेतील प्रतिकूल वातावरणाकडे दुर्लक्ष करून आज भारतीय शेअर बाजार निर्देशांकाने पुन्हा नवा सर्वकालिक उच्चांक नोंदवला. २१ डिसेंबरच्या मोठ्या पडझडीनंतर निफ्टीने सलग दहाव्या सत्रात वाढ नोंदवली आहे.
- पुण्याच्या बातम्या वाचण्यासाठी येथे ► क्लिक करा
अमेरिकेचे मावळते अध्यक्ष डोनाल्ड ट्रम्प यांचे कशाही प्रकारे सत्ता टिकवून धरण्याचे प्रयत्न उघड झाल्याने काल (ता. ४) अमेरिकी शेअर बाजारात पडझड झाली होती. त्यामुळे आज भारतीय बाजार सकाळी उघडताना घसरला. सेन्सेक्सही ४८ हजारांच्या खाली घसरला होता; मात्र नंतर तो सावरला व कालच्यापेक्षा २६० अंशांनी वाढून दिवसअखेर ४८,४३७ अंशांवर स्थिरावला. राष्ट्रीय शेअर बाजाराचा निफ्टीही ६६ अंशांनी वाढून १४,१९९ अंशांवर बंद झाला.
आज सेन्सेक्समधील प्रमुख ३० समभागांपैकी १६ वधारले तर १४ घसरले. ॲक्सिस बॅंक सहा टक्के वाढून ६६४ रुपयांवर बंद झाला. एचडीएफसी, इंडस्इंड बॅंक, टीसीएस, एशियन पेंट्स यांचे दरही वाढले. ओएनजीसी, बजाज फायनान्स, एसटीपीसी, महिंद्र आणि महिंद्र, रिलायन्स यांचे दर घसरले.
Edited By - Prashant Patil
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.