आज सकाळी भारतीय बाजारांची सुरुवात निराशजनक झाली होती. पण दुपारपर्यंत जवळपास अर्ध्या टक्क्यापर्यंत वाढ झाली होती. भारतीय शेअर बाजारात चार दिवसांच्या तेजीनंतर आज पाचव्या दिवशी लाल चिन्हावर बाजार बंद झाला आहे. BSE सेन्सेक्स 215 अंकांच्या घसरणीसह आणि निफ्टी 62 अंकांच्या घसरणीसह बंद झाला.

BSE चा 30 शेअर्सचा निर्देशांक सेन्सेक्स आज 215.26 अंकांनी म्हणजेच 0.36 टक्क्यांच्या घसरणीसह 60,906.09 वर बंद झाला. दुसरीकडे, NSE चा 50 शेअर्सचा निर्देशांक निफ्टी 62.55 अंकांच्या म्हणजेच 0.34 टक्क्यांच्या घसरणीसह 18,082.85 च्या पातळीवर बंद झाला.

यूएस फेडरल रिझर्व्हच्या धोरणात्मक बैठकीपूर्वी भारतीय शेअर बाजार घसरला. चलनवाढ नियंत्रित करण्याच्या उद्देशाने यूएस फेड आणखी एक मोठा निर्णय घेणार असल्याचे सांगितले जात आहे. या निर्णयनंतर भारतीत शेअर बाजार घसरला असल्याचे तज्ञांचे मत आहे.

सेन्सेक्स आणि निफ्टीची स्थिती

सेन्सेक्समधील 30 पैकी केवळ 9 शेअर्स घसरणीसह बंद झाले. म्हणजे 21 शेअर्स घसरले. निफ्टीच्या 50 शेअर्सपैकी 15 शेअर्स वाढले तर 35 शेअर्स घसरणीसह बंद झाले.