Stock Market Closing Update : गेल्या आठवड्यात शेअर बाजारात चांगल्या प्रकारची वाढ दिसून आली होती. मात्र, या आठवड्यात सलग दुसऱ्या दिवशी बाजारात घसरण दिसून आली आहे. आज सेन्सेक्स 497.73 अंकांनी म्हणजेच 0.89 टक्क्यांनी घसरून 55,268.49 वर बंद झाला. तर, निफ्टी निर्देशांकामध्ये 147.15 अंकांची घसरण नोंदवण्यात आली असून, निफ्टी 16,483.85 वर बंद झाली आहे.

आज शेअर मार्केटमध्ये टॉप-30 समभागांपैकी 10 शेअर्स चांगल्या अंकावर बंद झाले तर, याशिवाय 20 शेअर्स लाल चिन्हात बंद झाले. आज बजाज फिनसर्व्हचे शेअर्समध्ये जवळपास 6 टक्क्यांनी वाढ नोंदवण्यात आली आहे. याशिवाय भारती एअरटेल, पॉवर ग्रिड, बजाज फायनान्स, आयटीसी, एमअँडएम, एशियन पेंट्स आणि रिलायन्सचे शेअर्सही चांगल्या वाढीसह बंद झाले.

कोणत्या कंपन्यांचे शेअर्स वधारले
आज इन्फोसिसच्या शेअर्समध्ये 3.40 टक्क्यांची घसरण नोंदव्यात आली आणि ते 1451 अंकावर बंद झाले. याशिवाय अॅक्सिस बँक, हिंदुस्तान युनिलिव्हर, विप्रो, कोटक बँक, एलटी, एचसीएल टेक, टेक महिंद्रा, टीसीएस, टायटन, नेस्ले इंडिया, आयसीआयसीआय बँक, एचडीएफसी, एचडीएफसी बँक, सन फार्मा, एनटीपीसी, इंडसइंड बँक यासह 20 कंपन्यांचे स्टॉकदेखील चांगल्या अंकावर बंद झाले.