मुंबई : आज शेअर बाजार घसरणीसह बंद झाला. सेन्सेक्समध्ये ८६.६१ अंकांची म्हणजेच ०.१६ टक्क्यांनी घट झाली. त्यामुळे सेन्सेक्स ५४,३९५.२३ अंकांवर स्थिर झाला. निफ्टीमध्ये ४.६० अंकांची म्हणजेच ०.०३ टक्के घट झाली. त्यामुळे निफ्टी १६ हजार २१६ अंकांवर स्थिर झाला. (Todays Stock Market Updates)

सकाळीही बाजार घसरणीसह सुरू झाला होता. यावेळी सेन्सेक्स २२०.५३ अंकांनी म्हणजेच ०.४० टक्क्यांनी घसरला व ५४,२६१.३१ अंकांवर स्थिर होत बाजार सुरू झाला. निफ्टी ६०.६० अंकांनी म्हणजेच ०.३७ टक्क्यांनी घसरला व १६,१६०.१० अंकांवर स्थिर झाला.

शुक्रवारी बाजाराने तेजीची हॅटट्रिक पूर्ण केली होती. निफ्टी 88 अंकांनी वाढून 16,221 वर बंद झाला होता तर सेन्सेक्स 303 अंकांच्या वाढीसह 54,482 वर बंद झाला होता. निफ्टी बँकही 204 अंकांनी वाढून 35,124 वर बंद झाला होता. त्याचवेळी मिडकॅप 77 अंकांनी वाढून 27,649 वर बंद झाला होता.

शुक्रवारच्या व्यवहारात एनर्जी, पीएसई, बँकिंग शेअर्समध्ये चांगली वाढ दिसली होती, तर फार्मा, ऑटो शेअर्समध्येही किंचित वाढ झाली होती. मात्र, मेटल आणि रियल्टी शेअर्समध्ये प्रॉफिट बुकींग दिसून आले. मिडकॅप आणि स्मॉलकॅप शेअर्स खालच्या पातळीवरून सावरले होते.