आठवड्याच्या शेवटी शुक्रवारी शेअर बाजारात चढ- उतार पाहायला मिळाले. शेअर बाजार (Share Market) दिवसभराच्या व्यवहारानंतर लाल चिन्हावर बंद झाला. बॉम्बे स्टॉक एक्सचेंज (BSE) चा 30 शेअर्सचा निर्देशांक सेन्सेक्स 59 अंकांनी घसरून 57,833 वर बंद झाला, तर राष्ट्रीय शेअर बाजाराचा (NSE) निफ्टी 28 अंकांनी घसरून 17,276 वर बंद झाला.

घसरणीनंतर सुरूवात

शेअर बाजाराची आजची सुरूवात घसरणीतून झाली. सेन्सेक्स 135 अंकांनी घसरून 57,756 वर खुला झाला. तर नॅशनल स्टॉक एक्सचेंज 39 अकांनी घसरून 17252 अंकावर व्यवहार करू लागला. दिवसभर व्यवहार करून सेन्सेक्सने 250 अंकांपर्यंत उसळी मारली. त्यानंतर तो 58 च्या पातळीवर पोहोचला. तर, निफ्टीमध्येही वाढ होऊन त्याने 17300 ची पातळी ओलांडली होती. पण ही गती शेवटपर्यंत टिकली नाही.