मुंबई : गेल्या काही दिवसांपासून क्रिप्टो बाजाराने गुंतवणूकदारांना चांगलंच रडवलंय. पण आता पुन्हा या बाजारात उत्साहाचं वातावरण दिसून येतंय. सोमवारी बिटकॉइन इथेरियमसह लाइटकॉइन आणि पोल्काडॉटपर्यंत सर्वच क्रिप्टो करन्सीमध्ये तेजी दिसून आली.
जगातील सर्वात लोकप्रिय बिटकॉइनच्या किंमतीत गेल्या २४ तासांत ९० टक्के वाढ झाली आहे आणि त्याची किंमत २० हजार डॉलरपेक्षाही अधिक झाली आहे. दुसऱ्या क्रमांकाचे लोकप्रिय कूटचलन इथेरियमच्या किंमतीत १२ टक्क्यांची वाढ होऊन ८८ हजार ८४८ रुपयांवर गेली आहे.
सर्वोत्तम १० मध्ये समावेश होणाऱ्या डॉजकॉइन आणि लाइटकॉइनमधील गुंतवणूकदारांच्या गेल्या २४ तासांत बराच फायदा झाला आहे. याच्या किंमतीत ११ टक्के वाढ झालेली दिसून आली. बिनांस क्वाइनमध्ये ७ टक्क्यांची वाढ होऊन तो १७ हजार १०१ रुपयांवर गेला. तसेच कार्डनोमध्ये ५ टक्क्यांची वाढ होऊन तो ३९ रुपयांवर गेला.
गेल्या आठवड्यात कूटचलन बाजारात आलेल्या मंदीमुळे गुंतवणूकदारांची झोप उडाली होती. पूर्ण आठवड्यात कूटचलनात गुंतवणूक करणाऱ्यांना २२ लाख रुपयांचे नुकसान सोसावे लागले होते. बिटकॉइन, इथेरियम, लाइटकॉइन, डॉजकॉइन यांच्यासोबतच टेथरनेही आपल्या गुंतवणूकदारांची कमाई बुडवली होती.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.