नवी दिल्ली : देशातील सार्वजनिक आणि खासगी बँका पाच दिवस बंद राहणार आहेत. याबाबत भारतीय रिझर्व्ह बँकेच्या (RBI) सुट्यांच्या कॅलेंडरमध्ये उल्लेख आहे. ऑक्टोबरमध्ये बँकांना एकूण २१ सुट्या आहेत. आसाममधील काटी बिहूमुळे बँका सोमवारी (ता.१८) बंद होत्या. या आठवड्यात तुम्ही जर बँकेत (Bank Holiday) जाण्याचे नियोजन केले असेल तर जाण्याचे टाळा. त्यामुळे तुमची गैरसोय होणार नाही.

सुट्यांचा तपशील असा :

१९ ऑक्टोबर (मंगळवारी)

- ईद ई मिलाद/मिलाद ई शेरीफ यामुळे अहमदाबाद, बेलापूर, भोपाळ, चेन्नई, डेहराडून, हैदराबाद, इम्फाळ, जम्मू, कानपूर, कोची, लखनऊ, मुंबई, नागपूर, नवी दिल्ली, रायपूर, रांची, श्रीनगर, तिरुअंनतपूरम येथील बँका बंद राहणार आहे.

२० आक्टोबर (बुधवार)

- महर्षी वाल्मिकी जयंती/लक्ष्मी पूजा/ ईद-ए.मिलाद

अगरतळा, बंगळूरु, चंदीगड, कोलकाता आणि शिमला येथील बँका बंद राहणार आहेत.

२२ ऑक्टोबर (शुक्रवार)

ईद ए मिलाद उल नाबीमुळे शुक्रवारी जम्मू, श्रीनगरमधील बँका बंद राहतील.

२३ ऑक्टोबर (शनिवार)

महिन्यातील चौथा शनिवार

२४ ऑक्टोबर

रविवार

२६ ऑक्टोबर

प्रवेश दिन

जम्मू आणि श्रीनगरमधील बँका बंद राहतील.

रिझर्व्ह बँकेने जाहीर केलेल्या सुट्यांच्या दिवशी देशातील सार्वजनिक, खासगी, विदेशी, सहकारी आणि प्रादेशिक बँका बंद राहतील.