म्युच्युअल फंड योजना हा गुंतवणुकीचा चांगला पर्याय आहे. दिवसेंदिवस म्युच्युअल फंड योजनांमध्ये गुंतवणूक करणाऱ्यांचे प्रमाण वाढते आहे. नियमित गुंतवणूक करणे हे संपत्ती निर्मितीसाठी आवश्यकच आहे. मात्र म्युच्युअल फंड योजना किंवा इतर कोणत्याही गुंतवणूक प्रकारात गुंतवणूक करताना काही बाबींचे भान ठेवणे आवश्यक असते. फक्त गुंतवणूक प्रकार निवडून आणि त्यात गुंतवणूक करून संपत्ती निर्माण होत नाही. गुंतवणूकीची अंमलबजावणी करताना काही चूका टाळणे अत्यावश्यक असते. अन्यथा त्याचा परिणाम आपल्याला होणाऱ्या लाभावर किंवा परताव्यावर होणार असतो.
वॉरेन बफे किंवा राकेश झुनझुनवालासारखे प्रसिद्ध गुंतवणूकदारदेखील गुंतवणूक करताना काय करायचे, याच्याइतकेच महत्त्व गुंतवणूक करताना काय करू नये याला देत असतात. हे सूत्र अंमलात आणल्यास गुंतवणूकदाराला त्याचा नक्कीच फायदा होतो. याच सूत्राला पुढे नेत म्युच्युअल फंड योजनांमध्ये गुंतवणूक करताना कोणत्या गोष्टींवर लक्ष द्यायला हवे हे पाहूया,
पुण्याच्या बातम्या वाचण्यासाठी येथे क्लिक करा
१. म्युच्युअल फंडात गुंतवणूक करताना जर गुंतवणुकीचा कालावधी पाच वर्षांपेक्षा कमी असेल तर इक्विटी म्युच्युअल फंडात गुंतवणूक करू नये. कारण इक्विटी प्रकारात अस्थिरता आणि जोखीम अधिक असते. इक्विटी प्रक्रारात दीर्घकालावधीसाठी गुंतवणूक करणे श्रेयस्कर ठरते.
२. सेक्टोरेल, थेमॅटिक फंड यामध्ये सुरूवातीच्या टप्प्यात गुंतवणूक करू नये. कारण यात जोखीम ही अधिक असते. त्यामुळे म्युच्युअल फंडाच्या इतर योजनांमध्ये गुंतवणूक करून झाल्यानंतरच आपली जोखीम क्षमता लक्षात घेऊन सेक्टोरेल, थेमॅटिक फंडामध्ये गुंतवणूक करणे योग्य.
३. डेट फंड आणि इक्विटी फंडाचा योग्य तो समतोल आपल्या पोर्टफोलिओमध्ये करावा. फक्त इक्विटी फंडातच गुंतवणूक केल्यामुळे आपल्या गुंतवणूकीतील जोखीम वाढते.
४. आर्थिक उद्दिष्ट डोळ्यासमोर ठेवून एसआयपीद्वारे गुंतवणूक करावी.
५. अगदी छोट्या कालावधीसाठी गुंतवणूक करताना डेट किंवा इक्विटी प्रकारातील म्युच्युअल फंड योजना टाळाव्यात. यासाठी ओव्हरनाईट फंड किंवा लिक्विड फंडासारखे पर्याय निवडावेत.
६. बाजारातील चढउतारांना अस्वस्थ किंवा चिंताग्रस्त होऊन वेळेआधीच घाईघाईने गुंतवणूक काढून घेऊ नका.
७. विविध माध्यमातून मिळालेल्या अपुऱ्या माहितीच्या जोरावर स्वत:च म्युच्युअल फंड योजना निवडून गुंतवणूक करण्याऐवजी नेहमीच आर्थिक सल्लागाराच्या मार्गदर्शनाखालीच गुंतवणूक करा.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.