नवी दिल्ली - फूड डिलिव्हरी प्लॅटफॉर्म झोमॅटो (Zomato) आपल्या सेवेत (Service) बदल करण्याची योजना आखत आहे. ही सेवा अधिक जलद करण्यात येणार आहे. फक्त १५ ते २० मिनिटांत डिलिव्हरी (Delivery) होईल, अशी सेवा सुरू करणार असल्याचे झोमॅटोकडून सांगण्यात आले आहे. यासाठी अनेक हॉटेल्ससोबत झोमॅटोची बोलणी सुरू आहे.

यासाठी झोमॅटो क्लाऊड किचन कंपनी आणि रेस्टॉरंट्ससोबत भागीदारी करणार आहे. याद्वारे अल्ट्रा फास्ट सेवा सुरू करण्याचा झोमॅटोचा मनोदय आहे. सुरुवातीला प्रायोगिक तत्त्वावर १० मिनिटांत डिलिव्हरीची सेवा सुरू करण्यात येणार आहे. एप्रिलपासून काही शहरांमध्ये पायलट प्रोजक्ट लॉन्च करण्यात येणार आहे. सर्वात आधी गुरुग्राममध्ये ही सेवा सुरू होण्याची शक्यता आहे. झोमॅटोने गेल्या वर्षी बंगळुरूत हा प्रयोग केला होता.

ज्यात रेस्टॉरन्ट थेट ग्राहकांना निवडक पदार्थ देऊ शकेल, असा प्लॅन बनविण्याचा प्रयत्न झोमॅटो करत आहे. गेल्या वर्षी शेअरबाजारात झोमॅटोचा शेअर लिस्टिंगमध्ये आला होता. त्यानंतर कंपनीने चांगल्या प्रकारे गुंतवणूक करण्यास सुरुवात केली आहे. झोमॅटोचे संस्थापक दिपींदर गोयम म्हणाले होते की, आम्ही त्याच व्यवसायात गुंतवणूक करू जिथे मार्केट कॅप १० अरब डॉलरपेक्षा जास्त असेल.