औरंगाबाद : राज्यात कायदा व सुव्यवस्था पाहण्यासाठी पोलिस यंत्रणा आहे. त्यात काही त्रुटी असतील तर त्या दूर करण्यासाठी लोकप्रतिनिधींनी पुढाकार घेणे गैर नाही. तो त्यांचा कर्तव्याचा भाग आहे. सोमवारी (ता.२८) औरंगाबादच्या क्रांती चौकात वाहतूक कोंडी झाली होती. ती तोडण्यासाठी पोलिसांबरोबर आमदार अंबादास दानवे रस्त्यावर उतरले होते. एक रिक्षाचालक वाहतूक नियम तोडून मधेच घुसल्याने दानवे यांनी त्याच्या कानशिलात लगावली. याबाबतचा व्हिडिओ सोशल मीडियावर व्हायरल झाला. यावर प्रतिक्रिया देताना आमदार दानवे म्हणाले, की ज्या व्यक्तिला मारले तो त्यांच्या ओळखीचा आहे. नियम तोडल्याने त्याच्यावर रागावलो आणि त्यानंतर त्याला समजावून सांगितले. यानिमित्त काही प्रश्न उपस्थित होतात.

एक कायद्याचे उल्लंघन केल्यास सर्वसामान्यांनाच ज्ञानाचे डोस पाजून कारवाई होताना दिसते. जर त्या रिक्षाचालकाच्या ठिकाणी बडी व्यक्ती असली असती तर आमदारांनी जसे रिक्षावाल्याच्या बाबत प्रतिक्रिया दिली तशी दिली असती का? बर आपण असं काही तरी करुन जनतेच्या समोर प्रतिमा बांधणी करतोय असही संबंधितांना वाटत असेल. राज्यात डेल्टा प्लस या कोरोनाच्या नवा अवतारामुळे परत निर्बंध कडक केले जात आहे. अनेक जणांचा रोजीरोटीचा प्रश्न निर्माण झाला आहे.

घरातला पैसा संपला आहे. काहींना बँकेतील मुदत ठेवी मोडून घरखर्चासाठी वापरत असल्याचे उदाहरणे अवती-भवती पाहायला मिळत आहेत. आपल्या समाजव्यवस्थेत दुर्बलावर कधीही आणि केव्हाही कारवाई होताना दिसते. त्याच्यासाठी दोन वेळेची भाकर मिळवणे इतर गोष्टींपेक्षा अधिक महत्त्वाचे आहे. नियम, कायदे, शिस्त हे सर्व सर्वसामान्यांनी मुकाट्याने पाळायचे. प्रश्न विचारायचे नाहीत. तुम्ही फक्त मतदान करायचे आणि राजकारण्यांना निवडून द्यायचे? बरं कोणी प्रश्न विचारलाच तर...