निमित्त आर्यन खानला मिळालेले जामीन. चित्रपट विश्वातील एका मोठ्या अभिनेत्याचा मुलगा असल्याचा फायदा नक्की आर्यनला मिळाला. अभिनेता शाहरुख खानने ज्येष्ठ विधिज्ञला मुलाच्या जामीनासाठी उतरवले. प्रसारमाध्यमांनीही आर्यन खानला ड्रग्ज प्रकरणी जामीन मिळतो की नाही हा विषय लावून धरला होता. अखेर जामीन मंजूर झाला. तो आज किंवा उद्या तुरंगातून बाहेर येईल. त्याच्याबरोबर इतर दोघांनाही जामीन मिळाला आहे. भारतीय तुरुंगातील कैद्यांविषयी वेगवेगळे अभ्यास प्रसिद्ध होत असतात. सध्याच्या घडीला अशी कैक लोक आहेत, ज्यांना आजही जामीन मिळालेला नाही. त्यामुळे ती तशी विनाकारण म्हणजे गुन्हा सिद्ध झाला नसतानाही तुरुंगात आपली उमेदीचे दिवस भिकार व्यवस्थेमुळे घालवत आहेत. एक मात्र खरं की आर्यनला जामीन मिळाले ते त्याच सेलिब्रेटी कुटुंबाशी असलेला त्याचा संबंध.

प्रसारमाध्यमांनी आणखीन थोडे कष्ट घेतले तर त्यांना भारतीय तुरुंगातील भयावह स्थिती कळेल. भारतात तुम्ही श्रीमंत आहात, विशेष आहात. त्यामुळे तुम्हाला वेगळा न्याय. आणि जो गरीब, पिडलेला आणि सामान्य आहे. त्याला न्यायासाठी आयुष्य वेटिंगमध्ये घालावे लागेल का? सर्वसामान्य माणसालाही न्यायालयात न्याय मिळतो. हा जर आशावाद न्यायव्यवस्था निर्माण करु शकली नाही तर, त्याने जायचे कुठे ?