लग्न दोन कुटुंबांना जोडणारा प्रसंग असतो. प्रत्येकाच्या आयुष्यातील ही महत्त्वपूर्ण घटना. त्याच्या व्यवस्थित नियोजनासाठी"वेडिंग प्लॅनर'ची गरज असते. या व्यवसायातील आधुनिक व्यावसायिक "नारायण' होण्यासाठीच्या काही टिप्स :
- विवाहाचे व्यवस्थापन हा अतिशय संवेदनशील उद्योग आहे. हे कायम लक्षात ठेवावे.
- स्वतःची वेबसाइट डिझाईन करून त्यावर तुमच्या बेस्ट इव्हेंटचे फोटो अपलोड करत राहा.
- सतत फोनवर उपलब्ध असणे व ई-मेल्स तपासणे आवश्‍यक आहे.
- तुमचे क्‍लायंट पुरवठादारांप्रमाणेच महत्त्वाचे आहेत. त्यांच्या सर्व अपेक्षा तुमच्या प्लॅनिंगमध्ये येणे गरजेचे असते.
- लग्नाच्या नियोजनात काही चुका झाल्यास त्यातून शिकण्याची तयारी ठेवा. संयम, शांतता, चुका सुधारण्याची तयारी कायम ठेवा. लग्नात ऐनवेळची
धावपळ गृहीत धरा.
- लग्नातील सर्व प्रकार, विधी, त्या वेळचे सामान आदी गोष्टी तुम्हाला माहीत हव्यात.
- तुमच्या ग्राहकाला नेमके काय हवे आहे, याची व्यवस्थित माहिती करून घ्या. त्यांची संस्कृती, कुटुंबाला साजेशी नवीन कल्पना त्यांना सुचवा.
- एकाच पुरवठादारावर अवलंबून राहण्याऐवजी पर्यायी पुरवठादारांचे नियोजन करा.
- ग्राहकांची कल्पना, बजेटनुसार सर्व गोष्टी प्रत्यक्षात आणणे शक्‍य नसल्यास लगेच नकार द्या.
- लग्नात पाहुणे जेवणाबरोबर सजावटीवर खूष होतात. त्यामुळे सजावटीचा दर्जा उत्तम राखण्याकडे लक्ष द्या.