(बाण हिरावले असले तरी शब्दबाणांनी समोरच्याला जखमी करायची कला तिकडच्या स्वारींकडे आहेच. त्यामुळे मात्र इकडच्या स्वारींना यातना भोगाव्या लागत आहेत...)

इकडूनः (गंभीर आवाजात) हॅलोss.

तिकडूनः हॅलोss.कोण?

इकडूनः काडतूस!

तिकडूनः (जाणीवपूर्वक) फडतूस का?

इकडूनः (आवेशात) नाSSय.. काड-तूस

तिकडूनः (मिश्किलपणे हसत) काडतूस? कोण काडतूस?

इकडूनः (रागात) मीच-मीच खराखुरा..अस्सल काडतूस!

तिकडूनः म्हणजे फडतूसच ना?

इकडूनः सांगितलं ना एकदा.. काडतूस म्हणायचं आपल्याला!

तिकडूनः (बेदरकारपणे) नाही जमणार! पुढं?

इकडूनः (संयम निसटला) ...घुसेगा साला

तिकडूनः (आरामात) अच्छा! ...कहेना क्या चाहतें हों?

इकडूनः (चिरडीला येत) फडतूस नहीं.. काडतूस हूं मैं.. याद रखना

तिकडूनः (पेटवायच्या मूडमध्ये) खरंच की काय?

इकडूनः (रडकुंडीला येत) घुसेगा साला.. हं. (मध्येच डोळे पुसत) याद रख

तिकडूनः (शंकरपाळ्या स्टाईल चेकाळत) काडतुश्याSS

इकडूनः (कॅरॅक्टरमध्ये घुसून) आभण ऱ्हाय बाबू..

तिकडूनः जा.. न्हाय ऱ्हात

इकडूनः (निर्वाणीचं) मही खिज का पाडली त्वा?

तिकडूनः (आतून भीती वरुण बाणा) काय करशील?

इकडूनः माही खिज ज काडली ना... एकच प्रकरण काडीन, दुसरं काडनार बी न्हाई

तिकडूनः (उसणं आवसन आणून) काडतुश्याSSS

इकडूनः (जशास-तसं) घरबश्याSS

तिकडूनः लाळघोटेपणा बंद करा आता...

इकडूनः (रडू आवरत) ...नागपूरचाय मी ध्यानात ठ्वा

तिकडूनः (बाणा उफाळून आला) नाय ठिवनार ध्यानात.. इसरनार-इसरलो.. आता बोल?

इकडूनः (मजनू स्टाईल) बात निकलेगी तो दूर तर जाएगी बाबू

तिकडूनः (कोटी करत) बाता नका मारू इथं बाप चोरलाय... त्याचं काय ते बोला

इकडूनः (दुःखात आनंद शोधत) असं पाह्यजेल... हाहा.हाहाहा..!

(कसं हरवलं.. या भावनेतून इकडच्यांनी खाडकन् फोन ठेवला. तिकडच्यांना मात्र आशा लागली होती. आणखी बोलायचं होतं. पण-)