हडपसर : येथे पुलांवर, भिंतीवर पत्रके चिटकवली आहे. जाहिरात कुठे लावावी अन् कुठे लावु नये हे पण कळत नाही या महाभागांना! शहर स्वच्छ व सुंदर राहण्यासाठी प्रशासनाकडुन विविध उपक्रम राबविले जातात. यासाठी चौकांचे सुशोभिकरण, बसथांब्याची सजावट, पुलाखाली पुलाच्या खांबाना सुरेख रंगकाम हे सर्व महापालिकेच्या माध्यमातून होते

 सार्वजनिक हितासाठी केलेल्या कामांना काही उद्योगी नागरिकांचेच गालबोट लागते. या सुंदर परिसराचा वापर पत्रके व जाहिराती चिकटावुन सर्वत्र घाण केली जाते. हे प्रकार थांबविण्यासाठी पालिका प्रशासनाने जाहिरातीवर असलेल्या संपर्क क्रमांकावर संपर्क साधुन स्थानिक लोकप्रतिनीधींच्या दबावाला बळी न पडता संबंधितांवर दंडनीय कारवाई करावी.