Latest Marathi News Live Update : येत्या दोन दिवसांत कोकणासह मध्य महाराष्ट्र आणि मराठवाड्यात मुसळधार पावसाची शक्यता; 'आयएमडी’चा इशारा

पुणे जिल्ह्यातील काही तालुक्यांना पावसाचा ऑरेंज अलर्टपुढील तीन दिवस पुणे शहरासह जिल्ह्यात मुसळधार पावसाचा हवामान विभागाचा अंदाजधरणसाखळी क्षेत्रात देखील आज आणि उद्या मुसळधार पावसाची शक्यता.रत्नागिरी : खासदार नारायण राणे हे आज (ता. २५) रत्नागिरी दौऱ्यावर येणार आहेत. विविध शासकीय, सामाजिक, कृषीविषयक कार्यक्रमांना उपस्थित राहणार आहेत. याप्रसंगी ते जिल्ह्यातील विविध कामांचा आढावा घेणार आहेत. गुरूवारी सकाळी जिल्हाधिकारी कार्यालयात बैठक होणार आहे. .बंगळूर : कर्नाटकचे सार्वजनिक बांधकाममंत्री सतीश जारकीहोळी यांचे मेहुणे वाय. मंजुनाथ यांच्या निवासस्थानासह राज्यातील विविध ठिकाणांवर सक्तवसुली संचालनालयाने (ईडी) बुधवारी छापे टाकले. राज्य उत्पादन शुल्क विभागातील कथित भ्रष्टाचार आणि मनी लाँडरिंग प्रकरणाच्या चौकशीचा हा एक भाग असल्याचे अधिकाऱ्यांनी सांगितले. मंजुनाथ हे उत्पादन शुल्क विभागात अपर आयुक्त दर्जाचे अधिकारी आहेत. बेळगाव, बंगळूर आणि म्हैसूर जिल्ह्यांतील सुमारे १८ ठिकाणांवर ही कारवाई करण्यात आली. .सिंधुदुर्ग जिल्ह्यात पावसाचा जोर कायम राहण्याची शक्यता आहे. हवामान विभागाने ता. २५ आणि २६ ला यलो अलर्ट, तर शनिवारी (ता. २७) ऑरेंज अलर्ट जारी केला आहे. त्या दिवशी मुसळधार पावसाचा अंदाज असून, ३० ते ४० प्रतिकिलोमीटर वेगाने वारे वाहणार असल्याची शक्यतादेखील आहे..कोल्हापूर : राजर्षी छत्रपती शाहू महाराज यांची शुक्रवारी (ता.२६) होणारी जयंती ही सामाजिक न्याय दिन म्हणून साजरी होणार आहे. शहरासह जिल्ह्यात त्याची जय्यत तयारी झाली असून, समता दिंडी, व्याख्याने, विविध स्पर्धा व सांस्कृतिक कार्यक्रमांचे आयोजन केले जाणार आहे. दरम्यान, कसबा बावडा येथील राजर्षी शाहू जन्मस्थळ, राजर्षी शाहू समाधीस्थळ, दसरा चौकातील राजर्षी शाहूंचा पुतळा आदी स्मारक परिसराची स्वच्छता पूर्ण असून, हा परिसर विद्युत रोषणाईने सजणार आहे. .मराठवाड्यात सर्वदूर पावसाने हजेरी लावली. कुठे हलकासा तर कुठे जोरदार कोसळला. सोयगाव तालुक्यामध्ये ढगफुटी सदृश्य पाऊस झाल्याने तात्पुरता बांधलेला पूल वाहून गेला, त्यामुळे बनोटी-सोयगाव मार्ग पूर्णपणे बंद झालाय. जिंतूर तालुक्यातील आडगाव शिवारात बुधवारी ढगफुटीसदृष्य पाऊस झाला आहे. यामुळे शेतात पाणी साचून जमीन खरडून गेली आहे. हा पाऊस रात्रीपर्यंत कायम होता. यामुळे ८ ते १० गावांचा संपर्क तुटला आहे..- नाशिकच्या TCS कंपनीतील महिला कर्मचारी शोषण आणि धर्मांतरण प्रकरण - संशयित आरोपी निदा खानसह दानिश शेख आणि तौसिफ अत्तार यांच्या जामीन अर्जावर आज सुनावणी - नाशिकरोड न्यायालयात पार पडणार सुनावणी- आज आरोपींच्या जामीन अर्जावर न्यायालय काय निर्णय देते, याकडे सर्वांचे लक्ष- याआधी न्यायालयाकडून फेटाळण्यात आला होता आरोपींचा जामीन - त्यानंतर आरोपींकडून पुन्हा न्यायालयाकडे जामीनासाठी अर्ज - मागील सुनावणीत न्यायालयाने सरकारी आणि आरोपीच्या वकिलांचा युक्तिवाद ऐकून घेतल्यानंतर निकाल ठेवला होता राखून.दावणगेरे : पाकिस्तानमधील दहशतवादी संघटनांशी संबंध असल्याच्या संशयावरून कर्नाटक पोलिसांनी सुहेल नावाच्या २० वर्षीय युवकाला अटक केली आहे. सुहेल हा मूळ उत्तर प्रदेशचा आहे. कर्नाटकातील हरिहर तालुक्यात तो रंगारी म्हणून काम करत होता. .पुणे : नसरापूर येथे साडेतीन वर्षांच्या मुलीवर अत्याचार करून तिचा खून करण्यात आल्याच्या खटल्याचा गुरुवारी (ता. २५) विशेष न्यायालयाकडून निकाल जाहीर होणार आहे. गुन्हा घडल्यानंतर अवघ्या दोन महिन्यांत खटल्याची सुनावणी पूर्ण होऊन निकाल लागणार आहे. १ मे रोजी नसरापूर येथे मुलीवर अत्याचार करून तिचा खून झाला होता..Latest Marathi Live Updates 25 June 2026 : उत्तर कोकण आणि लगतच्या मध्य महाराष्ट्रात पावसाने दमदार हजेरी लावली असताना मॉन्सूनने बुधवारी संपूर्ण महाराष्ट्र व्यापल्याचे भारतीय हवामानशास्त्र विभागाने (आयएमडी) जाहीर केले. मुंबईसह राज्याच्या अनेक भागांमध्ये मंगळवारी रात्रीपासून मुसळधार पाऊस होत असून, आज पाऊस कायम होता. या पहिल्या पावसामध्ये नद्या-नाले दुथडी भरून वाहू लागल्यामुळे, चिंताग्रस्त झालेल्या चेहऱ्यांवर दिलासा झळकला आहे. दरम्यान, येत्या दोन दिवसांत कोकणासह मध्य महाराष्ट्र आणि मराठवाड्यात काही ठिकाणी मुसळधार पावसाची शक्यता ‘आयएमडी’ने वर्तविली आहे. याशिवाय देश-राज्यातील इतर महत्त्वाच्या घडामोडी, वाहतूक कोंडी, राजकीय हालचाली, क्रीडा, मनोरंजन आणि मान्सूनविषयक अपडेट्स यांची सविस्तर माहिती एका क्लिकवर उपलब्ध आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

Latest Marathi News Update : राज्यासह देशभरात दिवसभरात काय काय घडलं? वाचा एका क्लिकवर...

Latest Marathi News Update : राज्यासह देशविदेशात दिवसभरात काय काय घडलं? वाचा एका क्लिकवर...

Latest Marathi News Update : राज्यासह देशात कुठे काय घडलं? जाणून घ्या...

Latest Updates Marathi: राज्यासह देशात कुठे काय घडलं? जाणून घ्या...

Pune Yellow Alert : पुणे शहराला आजही पावसाचा यलो अलर्ट

Related Stories

Latest Marathi News Update : राज्यासह देशभरात दिवसभरात काय काय घडलं? वाचा एका क्लिकवर...

Latest Marathi News Update : राज्यासह देशविदेशात दिवसभरात काय काय घडलं? वाचा एका क्लिकवर...

Latest Marathi News Update : राज्यासह देशात कुठे काय घडलं? जाणून घ्या...

Latest Updates Marathi: राज्यासह देशात कुठे काय घडलं? जाणून घ्या...