पुणे : सुमारे तीन महिन्यांपूर्वी येवलेवाडी येथे सासवड-कोंढवा रस्ता ते धांडेकर नगर रस्त्यावर भूमिगत विद्युत योजनेचा वायर टाकण्यासाठी रस्ता खोदण्यात आला होता. मुख्य रस्त्यापासून हिताची ऑटोमोटिव्ह कंपनी पर्यंतचा रस्ता हा पेव्हिंग ब्लॉकचा होता. काम पूर्ण होऊन तीन महिने उलटले तरी कंत्राटदार व लोकप्रतिनिधींचे रस्ता पूर्ववत करण्याकडे दुर्लक्ष होत आहे. काढलेल्या पेव्हिंग ब्लॉकचा रस्त्याचा बाजूस खच पडला आहे. रस्ता अरुंद- असमतोल झाल्याने व या रस्त्यावरून अनेक जड वाहनांचा वावर असल्याने नागरिकांना जाता येता कसरत करावी लागत आहे. तरी लवकरात लवकर प्रशासनाने या समस्येची दखल घेऊन रस्ता पूर्ववत करावा.