पुणे : जांभूळकर मळा येथील कॅनलच्या भिंती ढासळल्या आहेत. त्यामुळे संपूर्ण जांभूळकर मळ्याला धोका निर्माण झाला आहे.  दांडेकरपुलाजवळ जी कालवाफुटीची  घटना झाली त्याची पुनरावृत्ती होण्याची शक्यता आहे. येथील नागरिकांनी वारंवार पाटबंधारे विभागाला कल्पना देऊनही काहीच दक्षता घेण्यात आली नाही. काही लोकांनी कॅनॉलच्याकडेला खोल्या बांधल्या आहेत. त्याच्या मुळे आणखीच धोका निर्माण झाला आहे. तरी महापालिकेने याकडे लक्ष देण्याची गरज आहे.