पुणे : महाराष्ट्रात सर्वत्र दुष्काळाचे सावट अगदी गडद होऊ लागले आहेत. त्यामुळे लोकांना पुरेसा पाणीपुरवठा होत नाही. ग्रामीण भागाबरोबर याची झळ शहरी भागालाही मोठ्याप्रमाणावर बसताना दिसत आहे. अशा परिस्थितीत पक्षी अन्नाच्या शोधात शहरातील घराबाहेर किंवा गच्चीवर दिसत आहेत. घराच्या गच्चींवर वाळत घातलेल्या भुईमुगाच्या शेंगावर पक्षी ताव मारत आहेत. पक्षी अन्नाच्या शोधात फिरणे मनाला चटका लावून जाणारे आहे. यातूनच आपणही पक्ष्यांच्यासाठी काहीतरी करायला पाहिजे हे नक्की. प्रशासनाने पक्ष्यांच्या अन्नपाण्यासाठी काहीतरी उपाययोजना केली आहे.