किरकटवाडी : जि.प. प्राथमिक शाळा किरकटवाडी येथे लेक शिकवा अभियानाअंतर्गत क्रांतिज्योती सावित्रीबाई फुले यांच्या जयंतीनिमित्ताने मुलींच्या शिक्षणाच्या जनजागृतीसाठी प्रभातफेरी काढण्यात आली. इयत्ता सातवीच्या वर्गाने सावित्रीबाई फुलेंच्या जीवनावर पथनाट्य सादर केले. या प्रभात फेरीत सरपंच गोकूळभाऊ करंजावणे, शाळा व्यवस्थापन समिती अध्यक्ष संतोष बांदल, सुवर्णा करंजावणे व शाळा व्यवस्थापन सदस्य आणि सर्व शिक्षकांनी सहभाग घेतला.