पुणे : दररोज लाखोंची उलाढाल असलेल्या पीएमपी या सार्वजनिक वाहतुक व्यवस्थेचे ट्‌विटर खाते उपलब्ध नाही. प्रशासनाने सामाजिक माध्यमांवर लोकप्रिय असलेले ट्‌विटर खाते सुरु करण्याची गरज आहे. अलीकडच्या काळात देशातील विविध भागांतुन महानगरांमध्ये वास्तव्य करणाऱ्या प्रवाशांची तसेच शहराला भेट देणाऱ्या व्यक्तींची संख्या वाढत आहे. पीएमपीचे निर्णय, प्रवाशांची गैरसोय तसेच प्रशासनातील अद्ययावत निर्णय कर्मचाऱ्यांपर्यंत व प्रवाशांपर्यंत पोचण्यासाठी पीएमपीने ट्‌विटर खाते सुरु करावे.