पुणे : कोथरूड-कर्वे रस्त्यावर वनाज कंपनी चौकात सिग्नल व विजेच्या खांबाचा आधार घेऊन बॅनर लावले आहेत. सध्या शहरात जिथे जागा मिळेल तेथे फलक लावून शहर विद्रुप केले जात आहे. त्यांच्यावर कोणाचेही नियंत्रण नाही. शहरात प्रशासन काम करते आहे की, नाही असा प्रश्न पडतो. पूर्वीच्या अनागोंदी कारभाराला कंटाळून मतदारांनी नवीन कारभाऱ्यांच्या पदरात भरगोस दान टाकले. परंतू कारभार सुधारण्याऐवजी परिस्थिती अजूनच बिकट झाली आहे. मतदारांचा पूर्णपणे भ्रमनिरास झाला आहे. हाच मतदार राजा सत्ता देतो तशी काढूनही घेतो हे लक्षात घेऊन वेळीच हे प्रकार थांबवावेत. सर्व शहरात फ्लेक्स बंदी करावी.