पुणे : दुधासाठी प्लॅस्टीक पिशव्यांना पर्याय दुधपुरवठा करण्यासाठी सध्या प्लॅस्टीक पिशव्या वापरल्या जातात. पण त्यामुळे एकतर प्रदुषण होते, त्याच बरोबर भेसळ करण्याचे प्रमाण खुप जास्त होते. तसेच त्याची जबाबदारी देखील कोणीच घेत नाही. लहानमुलांसाठी दुध अत्यावशक आहे. अशा भेसळयुक्त दुधाचे त्यांनी सेवन केले तर त्यांच्या आरोग्यास हानिकारक आहे. 

या सर्वाला उपाय म्हणजे पॅक बंद टेट्रापॅक कंटेनरद्वारे दुधपुरवठा करणे. त्यामुळे पर्यावरणाचे रक्षण होईल आणि भेसळमुक्त दूध मिळेल. परदेशात असे पर्यावरण दूषित न  करणारे कार्ड बोर्डचे पॅकिंग असलेले दुध रोज पुरवले जाते. त्यांत भेसळीचे प्रकार होऊ शकणार नाही आणि आढळल्यास त्या डेअरीवर कायदेशीर कारवाई करण्याचा पर्याय आहेच. 

सध्या फळांच्या रसासाठी टेट्रापॅक कंटेनरसचा वापर बाजारात होताना दिसतो. मग दुधासाठी का नाही? तरी या पर्यायाचा विचार प्रशासनाने करावा. नागरिकांच्या आरोग्यासाठी हे अत्यंत आवश्यक आहे. 
-दे. पु. नेरकर, पीएच.डी.(फुड टेक्नॉलॉजी)