महाराष्ट्रातील काही सहकारी संस्थांच्या खात्यांमधून ३०० कोटी रुपये रक्कम विविध खात्यांमध्ये वळती करण्यात आली आहे. हे करत असताना संस्थांच्या कागदपत्रांची पडताळणी करण्यात आलेली नाही. ज्यांना ही रक्कम देण्यात आली आहे त्या कंपन्या व व्यक्ती इंदौरमधील असून तेथील प्राप्तिकर विभागाने एकाच वेळी १ हजार जणांना नोटीस बजावली आहे.

ज्यांना नोटीस पाठवण्यात आली आहे त्या सर्वांना संबंधित सहकारी संस्थांकडून रक्कम मिळाली आहे. संस्था, त्यांच्या शाखा आणि काही व्यक्ती यांच्या खात्यावर ही रक्कम जमा झाली आहे; मुळात ही खाती कमी प्राप्तिकराची आहेत. कंपन्यांशी संबंधित लाभार्थ्यांवर प्राप्तिकर विभाग लक्ष ठेवून होता. त्यानंतर ही कारवाई करण्यात आली आहे. करदात्यांनी मात्र ही कारवाई एकतर्फी असल्याचे म्हटले आहे. त्यांना त्यांची बाजू मांडण्याची संधी मिळाली नसल्याची त्यांची तक्रार आहे.