Crime News : केरळ मधील त्रिशूर जिल्ह्यात एका प्रियकराने न्यायालयामध्ये न्यायमूर्तीसमोरच प्रेमासाठी आपल्या हाताची नस कापल्याची घटना घडली आहे.

31 वर्षीय तरुणाने हायकोर्टामध्ये आत्महत्या करण्याचा प्रयत्न केला असल्याचे वृत्त समोर आले आहे. याचे कारण म्हणजे ज्या महिलेची त्याचे प्रेम संबंध होते. असा दावा त्यांनी केला होता. त्या महिलेचा ताबा कोर्टाने तिच्या आई-वडिलांकडे दिला आहे. यामुळे त्या व्यक्तीने कोर्टासमोरच आत्महत्या करण्याचा प्रयत्न केला.

31 वर्षीय तरुणाचे नाव विष्णू असून 23 वर्षे महिला ही विष्णू सोबत एक महिन्यापासून राहत होती. महिलेच्या वडिलांनी कोर्टात याचिका दाखल केली होती. सोमवारी न्यायालयासमोर दोघेही हजर झाले. यावेळी त्यांच्या मुलीला विष्णू ने अवैधरित्या घरी कोंडून ठेवले असल्याचे त्यांनी सांगितले.

यावेळी संबंधित महिलेने मला माझ्या परिवारासोबत जायचे असल्याचे कोर्टाला सांगितले. यावेळी तिने सांगितले की, माझ्या मनात विष्णू विषयी कोणताही प्रेमाची भावना नाही तो फक्त माझा मित्र आहे.

यावेळी संबंधित महिलेने असेही सांगितले की, मी विष्णू सोबत या ठिकाणी केवळ यासाठी राहत होती कारण, त्याने मला धमकी दिली होती की, जर मी त्याला सोडून गेली तर तो आत्महत्या करेल. याचबरोबर त्याचे लग्न झाले आहे मात्र त्याने सांगितले होते की त्याचे लग्न झालेले नसून तो तिच्यापासून विभक्त झाला आहे

यावेळी कोर्टाचा निर्णय ऐकल्यावर विष्णूने चाकू काढला आणि आपली नस कापली. यावेळी त्याला पोलिसांनी थांबवण्याचा प्रयत्न केला आणि जवळच्या हॉस्पिटलमध्ये त्याला नेण्यात आले.