Dev Puja Astro Tips  esakal
संस्कृती

Dev Puja Astro Tips : घरात देवपूजा करताना या 11 गोष्टी नेहमी लक्षात ठेवा; कधीही वादविवाद होणार नाहीत

सकाळ डिजिटल टीम

Dev Puja : हिंदू संस्कृतीत देवतांची नित्य पुजा- उपासना केली जाते. देवतांची दररोज पुजा- उपासना केल्याने घरात सुख- शांती प्राप्त होते, घरातील वातावरणात चैतन्य निर्माण होते. असे मानले जाते की दररोज नित्य उपासना केल्याने घरातील दारिद्र्य, रोग- पिडांचे हरण होते. घरात होणारे क्लेश, वादविवाद टळतात. यामुळे घरोघरी देवतांचे यथाशक्ती भक्तीभावाने पूजन केले जाते. मात्र देवपूजा करत असताना काही गोष्टींची काळजी घेणे अत्यंत आवश्यक आहे. यामुळे देवतांची सदैव कृपादृष्टी आपल्यावर राहील. चला तर जाणून घेऊया देवा पुजा करताना कोणत्या गोष्टी लक्षात ठेवाव्या.

देवपूजा करीत असताना या 11 गोष्टी नेहमी लक्षात ठेवा

1) घरातील देवघराला कळस असू नये.

2) घरात देवपूजा करतांना देवतांच्या मूर्तीची प्राणप्रतिष्ठा झालेली असणे आवश्यक आहे. भग्न मूर्तिची पूजा कधीही करू नये.

3) देवपूजेच्या वेळेस इतरांशी बोलू नये. देवपूजा करण्यापूर्वी स्वतःच्या कपाळी गंध किंवा कुंकवाचा टिळा अवश्य लावावा. शरीर शुद्धीसाठी भस्मलेपन करावे.

4) देवांचे आसन, आपल्या आसनापेक्षा जास्त उंचीचे असावे.

5) शंख, घंटेशिवाय देवपूजा करू नये. देवघरातील शंखाला अक्षता वाहू नये.

6) देवपूजेसाठी शिळे जल (पाणी) व शिळी फुले व्यर्ज होत, मात्र तुलसीपत्रे व तीर्थोदक, शिळी असली तरी चालतात. याची विशेष काळजी घ्यावी.

7) तर्जनीने (अंगठ्याजवळच्या बोटाने) देवाला गंध वाहू नये. यासह एका दिव्यावरुन दुसरा दिवा प्रज्वलित करु नये.

8) देवघरात देवांच्या तसबीरी (फोटो) लावताना, त्या एकमेकांसमोर लावू नये.

9) देवांची आरती करतांना, निरांजन देवाच्या मस्तकावरून नेऊ नये. देवांचा उजव्या बाजूस तुपाचा व डाव्या बाजूस तेलाचा दिवा लावावा.

10) देवाला अर्पण करावयाच्या नैवेद्यावर तुळशीपत्र ठेवून, नंतर अर्पण करावा. नैवेद्य दाखवताना देवापुढे पाण्याने चौकोन काढून त्यावर तो नैवेद्य ठेवून मगच दाखवावा. देवाला नैवेद्य दाखविल्यानंतर तो लगेच खाऊ नये.

11) देवाला प्रदक्षिणा, नेहमी विषम संख्येत घालावी. जागा नसल्यास स्वतःभोवती उजवीकडून डावीकडे, असे गोल फिरावे.

''वरील 11 गोष्टींचे घरी देवतांची पूजा करताना पालन केल्यास घरात देवतांची सदैव कृपा दृष्टी लाभेल. व आपल्याला जी काही दुःख, संकटे, ताण- तणाव असतील त्याचेही हरण होईल.'' - विजय राजेंद्र जोशी (ज्योतिष अभ्यासक, नाशिक)

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

ना मराठी मातृभाषा, ना महाराष्ट्र जन्मभूमी; तरीही परदेशी कलाकाराच्या मराठी प्रेमाची सोशल मीडियावर चर्चा!

भारताच्या परकीय चलन साठ्यात मोठी घसरण; एका आठवड्यात तब्बल १४.२ अब्ज डॉलरची घट, नेमकं काय घडलं?

Latest Marathi News Live Update : खराडीत तरुणाचे अपहरण करून बेदम मारहाण

IND A vs Nepal: सुरुवात खराब, पण शेवट गोड! तिलक वर्मा कुमार कुशाग्राची धडाकेबाज शतके; भारताने उभारला धावांचा डोंगर

Mulshi Dam Water : मुळशी धरणातून पुण्यासाठी मिळणार ८ टीएमसी पाणी; मुख्यमंत्र्यांच्या बैठकीत महत्त्वपूर्ण निर्णय, दीड ते दोन वर्षांत पाणी उपलब्ध होणार

SCROLL FOR NEXT