Kande Navami : आज आषाढ शुद्ध नवमी आहे. काही ठिकाणी यांस कांदे नवमी असेही म्हणतात. आज कांदे, वांगे व लसूण खाण्याचा शेवटचा दिवस. इथून पुढे बरेच जण चातुर्मास पाळतात. (चातुर्मास पाळण्यासाठी). उद्या पासून ते कार्तिकी पौर्णिमे पर्यंत बऱ्याच घरांमध्ये कांदा लसूण व वांगे खाणं बंद केले जाते. (बहुतेक घरात चंपाशष्टी पर्यंत कांदे वांगे लसूण बंद असते.)

आषाढी एकादशी ला जोडलेल्या अनेक गोष्टींमधील एक म्हणजे कांदा नवमी (Kanda Navmi) आषाढी शुध्द एकादशीपासून ते कार्तिकी शुध्द एकादशीपर्यंत चातुर्मास असतो. चातुर्मास म्हणजे वर्षातले चार महिने, कांदा लसुण खाणं बंद करायचं. मग ते बंद करण्यापूर्वी भरपूर खाऊन घ्यावेत यासाठी म्हणून एकादशीपूर्वी आषाढ शुद्ध नवमीला कांदे नवमी साजरी केली जाते.

आषाढ शुद्ध नवमी ही आषाढ महिन्याच्या शुद्ध पक्षातील नववी तिथी आहे. याला कांदे नवमी असेही म्हणतात. (Ashadhi Wari) यादिवशी कांदे पोहे, कांद्याची साधी भजी, कांद्याची खेकडा भजी, कांद्याचा झणझणीत झुणका, कांद्याची पीठ पेरलेली भाजी, कांद्याचे थालीपीठ, कांद्याची चटणी अशा नानाविध प्रकारांची चटकदार कांद्याचे पदार्थ बनवून मेजवानी करण्याची प्रथा आहे.

कांदा नवमीच्या निमित्ताने जाणून घ्या कांदा भज्यांची भन्नाट रेसिपी

कांदा भजीसाठी लागणारे साहित्य

कांदा भजीसाठी लागणारा मुख्य घटक म्हणजे कांदा. कांदा उभा चिरून तो स्वच्छ धुवून तो सुटा करून त्यामधील सर्वा पाणी काढून त्याला मीठ लावून ५-१० मिनिटे ठेवले जाते आणि त्याला पाणी सुटले की त्यात दाळीचे पीठ घालून त्याचे मिश्रण तयार केले जाते. नंतर त्यात मिर्ची आणि चवीपुरते मीठ घाला.

कांदा भजी कशी बनवायची?

कांदा भजीचे मिश्रण संपूर्ण तयार झाल्यावर कढईत तेल आतून मीडियम आचेवर गरम झाल्यानंतर त्यात भजी तळा. तुमची कुरकुरीत भजी तयार आहेत. ही भजी तुम्ही सॉससोबत किंवा तुम्हाला आवडत्या कॉम्बिनेशसोबत खाऊ शकता. (Recipe)