वाल्हे : टाळमृदंगाचा गजर आणि हरिनामाचा जयघोष करीत करीत माउलींच्या पालखी सोहळ्याने हिरव्यागार निसर्गाच्या साथीत सकाळची अल्हाददायक वाटचाल करीत दुपारी पावणे दोनच्या सुमारास वाल्ह्यात मुक्कामासाठी थांबला. येथील समाजआरतीमध्ये वारीच्या शिस्तीचे दर्शन लाखो भाविकांना घडले.

पहाटे माऊलींच्या पादुकांवर रुद्राभिषेक प्रमुखविश्वस्त योगेश देसाई यांच्या हस्ते झाली. त्यानंतर सोहळा जेजुरीतून वाल्हेच्या दिशेने मार्गस्थ झाला. दरम्यान अनेक भाविक पहाटेपासुनच कुलदैवत खंडेरायाचे आणि कडेपठार येथील खंडोबाचे दर्शन करण्यासाठी गडावर गेले. कुलदैवताचे दर्शन करुन भाविक दिंडीसोबत चालत होते.

जेजुरीतील औद्योगिक भागातून मार्गस्थ होताना खिंडीमध्ये सकाळच्या न्याहारीसाठी वारकरी थांबले.ठिकठिकाणी रस्त्यावर,टेकडीवर वारकरी दही धपाटे,शेंगदाणा चटणी, भजी, खारमुरे, पोहे यांचा आस्वाद घेत होते. न्याहारी झाल्यावर सोहळा दौंडज मार्गे वाल्हेकडे निघाला. वाल्हे ग्रामस्थांनी सोहळ्यात जोरदार स्वागत केले. दौंडजवळ रेल्वे आणि वारकऱ्यांचा सोहळा जाताना अध्यात्म आणि विज्ञान संगम पाहायला मिळाला.

दरम्यान एक वाजता माउलींची पालखी वाल्हे तळावर पोचली. यावेळी पालखी मधोमध ठेवण्यात आली. यावेळी सोहळाप्रमुख अॅड. विकास ढगे, प्रमुख विश्वस्त योगेश देसाई, सहायक विश्वस्त सुधीर पिंपळे, प्रशांत

सुरू, मालक बाळासाहेब आरफळकर उपस्थित होते. त्यानंतर हरविलेल्या आणि सापडलेल्या वस्तूंची यादी वाचण्यात आली. आवश्यक त्या सूचना दिल्यानंतर राजाभाऊ चोपदार यांनी चोप उंचावताच शांतता पसरली. आरतीनंतर पालखी सोहळा विसावला. यावेळी वारीतील शिस्तीचे दर्शन घडले.

दरम्यान, दिवसभर चालल्याने थकलेल्या लोकांना अनेक दानशूर लोकांनी मोफत पाणी बॉटल वाटप केले. देवस्थानच्यावतीने उष्मा संकटाच्या पार्श्वभूमीवर अनेकांनी प्रतिसाद दिल्याने वारक-यांची तहान भागली.

वारीविषय़ी...

वाल्हे तळावर हवेमुळे मोठ्या प्रमाणात धुळीचे साम्राज रविवारी माउलींच्या पादुकांना नीरास्नान पालखी सातारा जिल्ह्यात प्रवेश करणार रस्त्याचे तात्पुरत्या स्वरूपात रुंदीकरण केले होते.