Astro Tips : जिवनात प्रत्येक व्यक्ती आर्थिक समृद्धी, शारीरिक अन् मानसिक स्वास्थ्य जपण्यासाठी काम करत असतो. मात्र भवतलाच्या काही बाबींकडे दुर्लक्ष केल्याने त्याचा परिणाम थेट आपल्या स्वास्थ्यावर होतो. सकाळी झोपेतून उठल्यापासून केल्या जाणाऱ्या कामांचा विशेष प्रभाव होतो. हे सर्व टाळण्यासाठी अन् जिवनात सुख समृद्धी आणण्यासाठी धर्म अभ्यासक पं. नरेंद्र धारणे काही सोपे उपाय सांगतात. चला तर सुख आणि समृद्धीसाठीचे सोपे उपाय जाणून घेऊया.

सुख आणि समृद्धीसाठीचे सोपे उपाय

1) प्रत्येक व्यक्तीने सूर्योदयाच्या आधी झोपेतून उठावे अन् उदय होणाऱ्या सूर्य देवतेचे दर्शन घ्यावे.

2) झोपेतून उठल्या नंतर दोन्ही पाय एकाच वेळी जमिनीवर ठेवावे आणि त्याच वेळी आपल्या इष्ट देवतेचे स्मरण करून दोन्ही हात आपल्या चेहऱ्यावर फिरवावे.

3) स्नान आणि घरातील पुजा ब्रम्ह मुहूर्तावर किंवा सकाळी 7 ते 8 वाजेच्या मध्येच करावी.

4) स्नान केल्यानंतर स्नान घर कधीही अस्वच्छ ठेवू नये.

5) सुर्योदयावेळी दर्शन घेताना मोठ्याने गायत्री मंत्राचा उच्चार करावा, हे खूप फलदायी ठरते. यामुळे घरातील सर्व वास्तुदोष नष्ट होतात. सुर्य देवतेचे दर्शन घेतल्यानंतर सुर्य देवतेला जल आणि पुष्पाचे अर्ध्य अर्पण करावे.

6) घरामध्ये तुळशीचे रोपटे लावावे. त्याची नियमित सेवा करावी.

7) पक्षांना दररोज न चुकता दाणे टाकावे.

8) आपल्या राशी किंवा लग्न स्वामी ग्रहाच्या रंगाची कोणतीही एखादी वस्तू जवळ बाळगावी.