Puja Vidhi And Mantra : पंचांगानुसार प्रत्येक महिन्याच्या शुक्ल पक्षाच्या सप्तमीला भानु सप्तमी असते. जून महिन्याची ही सप्तमी आज २५ जून ला आहे. आज सूर्य उपासनेला विशेष महत्व असते. धार्मिक मान्यता आहेत की, भानुसप्तमीला सूर्याच्या उपासनेने उत्पन्न, आयुष्य, सुख आणि समृद्धी यात वृद्धी होते. त्यामुळे विधीवत सूर्य देवाची उपासना करायला हवी. या भानुसप्तमीलाच अचला सप्तमी, सूर्यरथ सप्तमी, आरोग्य सप्तमीसुद्धा म्हटलं जातं.

पूजा विधी

• पहाटे उठून पहिले सूर्यदेवाला नमस्कार करावा.

• आंघोळीच्या पाण्यात गंगाजल टाकून आंघोळ करावी.

• नंतर सूर्याला पाण्यात अक्षता, तिळ, मोहरी आणि दूर्वा घालून ते अर्पण करावे.

• त्यानंतर ‘ॐ घृणि सूर्याय नमः' और “ॐ सूर्याय नमः” हा मंत्र म्हणत सूर्याला आवाहन करावे.

• पंचोपचार करून सूर्याची पूजा करावी.

• सूर्य चालिसा, स्तुती, स्तोत्र आणि सूर्य कवच याचे वाचन करावे.

• आरती करून सुख, समृद्धीची प्रार्थना करावी.

• यथा शक्ती गरीब, गरजूंना दान करावे.

• इच्छापूर्तीसाठी उपवास धरावा.

धार्मिक महत्व

हिंदू धर्मात रविवार सूर्याला समर्पित असतो. या दिवशी सूर्याची विशेष पूजा उपासना केली जाते. त्वचा रोगांपासून मुक्तीसाठी सूर्य उपासना सांगण्यात येते. पुराणात असे सांगितले जाते की, श्रीकृष्णाच्या मुलाने सूर्य उपासना केली होती, ज्याचे फळ म्हणून साम्बची कुष्ठ रोगातून मुक्तता झाली. ज्योतिष्य देखील कुडलीतील सूर्य मजबूत करण्याचा सल्ला देतात. यामुळे करिअर आणि व्यवसायात इच्छित वृद्धी होते.

डिस्क्लेमर : सदर लेख फक्त सामान्य माहितीसाठी आहे. सकाळ माध्यम समूह अशा कोणत्याही गोष्टींना पाठिंबा देत नाही. अधिक तपशीलांसाठी तुम्ही तज्ज्ञांचे मार्गदर्शन घेऊ शकता.