Diwali Festival 2022 : आनंदाला उधाण आणणारा अन् लहानांपासून ते अबालवृद्धांमध्ये चैतन्य निर्माण करणारा सण म्हणजे दिवाळी. आरोग्य, ऐश्वर्य, सुख-समृद्धीच्या प्राप्तीसाठी दिवाळीच्या शुभ पर्वात मोठ्या भक्ती भावाने धन्वंतरी, लक्ष्मी-कुबेराचे पुजन केले जाते. यंदा 22 ऑक्टोबरला धनत्रयोदशी आहे तर 24 ऑक्टोबरला लक्ष्मीपुजन. यादिवशी घरात मनोभावे देवाची पुजा केली जाते.

पुजेसाठी सर्व साहित्याची जमवा जमव करताना एखाद्या वस्तूचा विसर पडल्यास ऐन पुजेवेळी गोंधळ होतो. हा गोंधळ टाळण्यासाठी आजच पुजेचे सर्व साहित्याची आधिच तयारी करुन ठेवावी म्हणजे गुरुजी घरी आले कि थेट पुजेले सुरुवात करता येईल. चला तर जाणून घेऊया दिवाळीच्या पुजेसाठी लागणारे साहित्य.

(Diwali Dhanteras Lakshmi Pujan Festival 2022 Puja Sahitya Material)

पुजेसाठी लागणारे साहित्य

श्रीफळ (नारळ) - 1, हळद, कुंकू, गुलाल, कापूर, विड्याची पाने, उदबत्ती, खडीसाखर, सुपारी- 11, सुटे नाणे, पंचरंगी धागा, हार, फुले, पंचामृत, चोपड्या (नविन वह्या), गुळ, धणे, खारीक, बदाम, हळकुंड, कमळकाकडी, ऊस, साळीच्या लाह्या, बत्तासे, फळ -5 प्रकारची, सुकामेवा, शेंदूर, दुर्वा, अत्तर, अष्टगंध, तुपाची निरांजन.

पुजा मुहूर्त

धनत्रयोदशी - 22 ऑक्टोबर 2022, शनिवार

* शुभ मुहूर्त - सकाळी 8.03 ते 9.20 पर्यंत

* लाभ अमृत मुहूर्त - दुपारी 1.51 पासून ते 4.35 पर्यंत

* लाभ मुहूर्त - सायंकाळी 6.12पासून ते 7.35 पर्यंत

* शुभ अमृत मुहूर्त - रात्री 9.18 पासून ते 12.14 पर्यंत

लक्ष्मीपुजन - 24 ऑक्टोबर 2022, सोमवार

* अमृत मुहूर्त - सकाळी 6.37 पासून ते 7.54 पर्यंत

* शुभ मुहूर्त - सकाळी 9.31 पासून ते 10.47 पर्यंत

* लाभ अमृत मुहूर्त - दुपारी 3.18 ते 6.01 पर्यंत

* लाभ मुहूर्त - रात्री 10.51 पासून ते 12.14 पर्यंत

माहिती - पं. विजय जोशी गुरुजी (नाशिक)