Importance Of Guru Purnima And Puja Vidhi : हिंदू धर्मात गुरु पौर्णिमेला खूप महत्व आहे. आषाढ महिन्यातल्या पौर्णिमेला गुरुपौर्णिमा साजरी करण्यात येते. कारण या दिवशी महर्षी वेद व्यास यांचा जन्म झाला होता असं मानलं जातं. त्यांनी महाभारत, पुराण कथा लिहिल्या आहेत, असं सांगितलं जातं.

यंदा गुरुपौर्णिमा ३ जुलै रोजी साजरी होणार आहे. या दिवशी गुरुची मनोभावे पूजा केल्याने विशेष लाभ होतो असं मानलं जातं.

गुरुपौर्णिमेचं महत्व

गुरुपौर्णिमेला व्यासपौर्णिमासुद्धा म्हणतात. महर्षि वेद व्यास यांना वेदांचे ज्ञान होते. महर्षि वेद व्यास यांना ७ चिरंजीवींपैकी एक मानलं जातं. म्हणजेच ते अमर आहेत आणि आजही जिवंत आहेत असं मानलं जातं. धार्मिक ग्रंथांमध्ये त्यांना भगवान विष्णूंचे रुप मानले गेले आहे.

धार्मिक मान्यतांनुसार या दिवशी पूजा-पाठ केल्याने आणि उपवास केल्याने कुंडलीतील गुरू दोष आणि पितृदोष संपतात. याशिवाय नोकरी, व्यवसाय, करिअरमधले अडथळे दूर होतात.

अशी करा पूजा

• या दिवशी सकाळी लवकर उठून स्नान करावे.

• आंघोळीच्या पाण्यात गंगाजल टाकावे.

• नंतर स्वच्छ कपडे घालून देवघराची नीट स्वच्छता करावी.

• देवांना पंचामृताने अभ्यंग स्नान घालावे.

• थोडे गंगाजल शिंपडावे.

• त्यानंतर गुरुचे स्मरण करावे. विष्णू देवाची पूजा करावी.

या मंत्रांचे पठण अवश्य करावे

• ओम गुरुभ्यो नमः

• ओम परमतत्वाय नारायणाय गुरुभ्यो नमः

• ओम वेदाहि गुरु देवाय विद्यहे परम गुरुवे धीमहि तन्नोः प्रचोदयात्ओ

• म गुं गुरुभ्यो नमः