नागपंचमी हा एक लोकप्रिय सण आहे. नाग हा भगवान शिव यांच्या गळ्यातील हार आहे. तर भगवान विष्णूंची शैय्या देखील आहे. लोकजीवनातही लोकांचा सापाशी खोल संबंध असतो. अनेक पवित्र कारणांमुळे नागाची देवता म्हणून पूजा केली जाते.

नागपंचमी कधी आहे आणि शुभ मुहूर्त कोणता आहे ? (Nag Panchami 2022 Dete and Muhurat)

श्रावण शुक्ल पंचमी तारीख सुरू होईल ती तारीख : 2 ऑगस्ट 2022 रोजी सकाळी 5:14 वाजता. श्रावण शुक्ल पंचमी समाप्ती तारीख : 3 ऑगस्ट 2022 रोजी सकाळी 5:42 वाजता

नाग पंचमीचे नेमके महत्त्व काय आहे?

नागपंचमीच्या दिवशी नाग देवतेची पूजा केल्याने घरात सुख, शांती आणि समृद्धी येते आणि व्यक्तीला काल सर्प दोषापासूनही मुक्ती मिळते. जीवनातील सर्व संकटे दूर होतात. भक्तांना अपेक्षित फळ मिळते.

नाग पंचमी आणि भगवान श्रीकृष्ण यांच काय आहे नातं ?

नागपंचमी पूजेचा एक प्रसंग भगवान श्री कृष्ण यांच्याशी निगडित आहे. बालकृष्ण जेव्हा आपल्या मित्रांसह खेळत होते तेव्हा त्यांना मारण्यासाठी कंस याने कालिया नावाच्या नागाला पाठवले होते. त्याने गावात दहशत पसरवली. लोकं घाबरु लागले. एकदा जेव्हा श्री कृष्ण आपल्या मित्रांसोबत खेळत होते तेव्हा त्यांचा चेंडू नदीत पडला. तो घेण्यासाठी कृष्ण नदीत उतरले तेव्हा कालियाने त्यांच्यावर आक्रमण केलं पण उलट कालियाला आपला जीव कसा वाचवावा हा प्रश्न पडला. त्याने कृष्णासमक्ष माफी मागितली आणि गावकर्‍यांना त्रास देणार नसल्याचं वचन देत तेथून निघून गेला. कालिया नागावर श्री कृष्ण यांचा विजय देखील नागपंचमी च्या रुपात साजरा केला जातो.