मे आणि जून हे महिने म्हणजे लग्नसराईचे, पण यंदा याच महिन्यांमध्ये केवळ नऊच मुहूर्त आहेत. यामुळे बँड वाल्यांपासून ते मंडप डेकोरेशन, मंगल कार्यालय चालक, पुरोहित छायाचित्रकारांपर्यंत आदी लग्न कार्यांवर अवलंबून असणाऱ्या व्यवसायिकांना आर्थिक झळ बसणार आहे.

एप्रिल महिन्यात २६ आणि २८ हे दोन मुहूर्त वगळता मे महिन्यात केवळ एक व दोन मे हे दोनच मुहूर्त आहेत. त्यानंतर लग्न तारखा नसल्यामुळे आम्ही काय करावे असा प्रश्न व्यवसायिकांना पडला आहे. यावर्षी विवाहाचे योग गेल्या वर्षीपेक्षा कमी आहेत. प्रत्येकाच्या राशीनुसार योग वेगवेगळे असतात. त्यामुळे शुभमुहूर्त पाहूनच विवाह करणे योग्य ठरते असे जाणकार सांगतात.

असे आहेत या वर्षातील विवाहमुहूर्त

मे (१.२)

जून (१२,१६,१८,२४,२५,२६,२८)

जुलै (१९,२१,२२,२३,२६,२७,२८,३१)

ऑगस्ट (१०,१३,१४,१६,१८,२३,२७,२८)

सप्टेंबर (५,६,१५,१६)

ऑक्टोबर (७,९,११,१२,१३,१७,१८,२६)

नोव्हेंबर (४,७,८,९,११,१३,२१,२५,२७)

डिसेंबर (७,११,१२,२३,२५,२६)

गुरू व शुक्राचा अस्त असल्याने नाहीत मुहूर्त

गुरु आणि शुक्र या दोन्ही ग्रहांचा एकत्रित अस्त असल्याने मंगल कार्य करू नये, असे शास्त्र वचन आहे. दोघांचा एकत्रित अस्त असल्याने ३ मे ते ११ जून या काळात विवाहमुहूर्त नाहीत. १२ जूनपासून ते २६ डिसेंबरपर्यंत विवाह मुहूर्त आहेत असे घाटनांद्रा येथील संजयशास्त्री जोशी यांनी सांगितले.