पंचांग -

रविवार : माघ शुद्ध १२, चंद्रनक्षत्र आर्द्रा, चंद्रराशी मिथुन/कर्क, चंद्रोदय दुपारी ३.४०, चंद्रास्त पहाटे ५.२२, सूर्योदय ७.०४, सूर्यास्त ६.३३, भीष्म द्वादशी, पुण्यकाल सूर्योदय ते दु. १२.५३, भारतीय सौर माघ २४ शके १९४३.

दिनविशेष -

२००१ - अवकाशातील लघुग्रहांच्या अभ्यासासाठी पाच वर्षांपूर्वी ‘नासा’ने धाडलेले ‘नियर शूमाकर’ हे यान ‘इरॉस ४३३’ या लघुग्रहावर यशस्वीरीत्या उतरले.

२००३ - भारतीय चित्रपट क्षेत्रासाठी उत्कृष्ट योगदान दिल्याबद्दल ज्येष्ठ चित्रपट निर्माते, दिग्दर्शक यश चोप्रा यांना २००१चा दादासाहेब फाळके पुरस्कार प्रदान.

२००४ - पुण्याच्या आमिश यतीन सरपोतदारने धरमतर खाडी न थांबता पोहण्याचा पराक्रम केला. आठ तासांत एकदाही न थांबता त्याने ही सागरी मोहीम यशस्वीपणे पार केली.

२०१० - पुण्यातील कोरेगाव पार्क परिसरातील जर्मन बेकरीत झालेल्या बाँबस्फोटात परदेशी नागरिकांसह १७ जण मृत्युमुखी, तर ५६ जण जखमी.

२०१५ - राष्ट्रीय क्रीडा स्पर्धेत धावपटू ललिता बाबरने तीन हजार मीटर स्टीपलचेस शर्यतीत ९ मिनिटे ४२.६३ सेकंदांत शर्यत पूर्ण केली. सुवर्णपदकासह जागतिक मैदानी स्पर्धेची पात्रता सिद्ध करून महाराष्ट्राच्या ‘मिशन नॅशनल गेम्स’ची तिने सुवर्ण सांगता केली.