पंचांग -

गुरुवार : माघ कृष्ण १, चंद्रनक्षत्र मघा, चंद्रराशी सिंह, चंद्रोदय सायंकाळी ७.१७, चंद्रास्त सकाळी ७.३७, सूर्योदय ७.०२, सूर्यास्त ६.३४, गुरुप्रतिपदा, गाणगापूर यात्रा, भारतीय सौर माघ २८ शके १९४३.

दिनविशेष -

२००१ - जगाचे लक्ष वेधून घेणाऱ्या आठव्या आंतरराष्ट्रीय नौदल संचलन सोहळ्याला सुरवात. या सोहळ्यात १९ देशांच्या २४ युद्धनौका आणि फ्रान्सची एकमेव अणुपाणबुडी यांनी भाग घेतला होता.

२००१ - ऑस्ट्रेलियातील सर्वाधिक २४३८ किलोमीटर लांबीची मरे नदी एकशे सहा दिवसांत पार करून येथील तॅमी व्हान विझी या ३२ वर्षीय महिला जलतरणपटूने विक्रम केला. यापूर्वी १९९१मध्ये ग्रॅहॅम मिडलटन यांनी ही नदी पार केली होती; परंतु त्यासाठी त्यांना १४१ दिवस लागले होते.

२००९ - राजर्षी छत्रपती शाहू महाराज यांच्या पूर्णाकृती पुतळ्याचे राष्ट्रपती प्रतिभा पाटील यांच्या हस्ते संसदेच्या आवारात अनावरण.