पंचांग -

सोमवार : पौष शुद्ध १५, चंद्रनक्षत्र पुनर्वसू, चंद्रराशी मिथुन/कर्क, चंद्रोदय सायं. ५.४८, चंद्रास्त स. ७.२८, सूर्योदय ७.११, सूर्यास्त ६.१८, माघस्नानारंभ, शाकंभरी पौर्णिमा, पौर्णिमा प्रारंभ पहाटे ३.१८, भारतीय सौर पौष २७ शके १९४३.

दिनविशेष -

२००२ : चित्रपटसृष्टीतील योगदानाबद्दल प्रसिद्ध अभिनेते अमिताभ बच्चन यांना ‘इनरव्हील डिस्ट्रिक्‍ट ३१४’ या संस्थेतर्फे ‘जीवनगौरव पुरस्कारा’ने सन्मानित करण्यात आले.

२००३ : ज्येष्ठ उद्योजक आणि सामाजिक कार्यकर्ते हरिहर दिनकर ऊर्फ भाऊसाहेब काळे यांचे निधन. आयात, निर्यात, कागद, विद्युत अवजारे, संगणक, शेती अशा विविध क्षेत्रांत त्यांनी उल्लेखनीय कामगिरी केली. व्यवसाय, उद्योगाबरोबरच विविध सामाजिक आणि धार्मिक संस्थांतही ते कार्यरत होते.

२००५ : भारताच्या सानिया मिर्झाने ऑस्ट्रेलियन टेनिस स्पर्धेच्या महिला एकेरीत पहिली फेरी जिंकून ऐतिहासिक कामगिरी केली. ग्रॅंड स्लॅम स्पर्धेच्या महिला एकेरीत विजय मिळविणारी ती भारताची दुसरीच खेळाडू ठरली.

२०१४ : वर्ल्ड हॉकी लीग स्पर्धेत भारताचा जर्मनीवर ५-४ असा विजय.