पंचांग -

रविवार : आश्‍विन शुद्ध ८, चंद्रनक्षत्र उत्तराषाढा, चंद्रराशी मकर, सूर्योदय ६.३१, सूर्यास्त ६.०६, चंद्रोदय दुपारी १.२६, चंद्रास्त रात्री १२.४३, दुर्गाष्टमी, सरस्वती बलिदान, महाष्टमी उपवास, सरस्वती विसर्जन सायं. ६.४४ नं., एकरात्रोत्सवारंभ, भारतीय सौर आश्‍विन ३० शके १९४५.

दिनविशेष -

• २००१ - देशाच्या महत्त्वाकांक्षी अवकाश कार्यक्रमात मोलाची कामगिरी बजावणाऱ्या ‘पीएसएलव्ही-सी ३’ या ध्रुवीय उपग्रहवाहकाचे श्रीहरिकोटा येथील ‘शार’च्या तळावरून यशस्वी प्रक्षेपण.

• २००३ - मूळचे भारतीय; परंतु अमेरिकेत वास्तव्यास असलेले अभियंते हरेन एस. गांधी यांना ‘नॅशनल मेडल ऑफ टेक्‍नॉलॉजी’ हे अमेरिकेतील अतिशय प्रतिष्ठेचे समजले जाणारे पारितोषिक जाहीर.

• २०१५ - आंध्र प्रदेशची नवी राजधानी म्हणून विकसित करण्यात येणाऱ्या अमरावतीचे पंतप्रधान नरेंद्र मोदी यांच्या हस्ते भूमिपूजन.