दिनविशेष -

• २००१ - जीसॅट-१ या भूस्थिर उपग्रहाची भ्रमणकक्षा ११ हजार ९०० किलोमीटरपर्यंत वाढविण्यात ‘इस्रो’च्या अवकाशशास्त्रज्ञांना यश.

• २००३ - प्रतिष्ठेचा ‘महाराष्ट्रभूषण’ पुरस्कार गडचिरोली जिल्ह्यातील आदिवासी क्षेत्रात उल्लेखनीय वैद्यकीय सेवाकार्य केल्याबद्दल डॉ. अभय आणि डॉ. राणी बंग यांना जाहीर.

• २००७ - ध्रुवीय उपग्रह प्रक्षेपक वाहक ‘पीएसएलव्ही-सी ८’ ने सतीश धवन अवकाश केंद्रातून उड्डाण केले आणि २२ मिनिटांतच ३५२ किलोग्रॅम वजनाचा ‘एजिल’ हा उपग्रह त्याच्या नियोजित कक्षेत भ्रमण करू लागला. व्यापारी तत्त्वावर वाहकाचा उपयोग करणाऱ्या देशांच्या पंक्तीत भारतानेही मानाचे स्थान मिळविले.

• २०१७ - भारताची टेनिसपटू अंकिता रैना हिने नेदरलॅंड्‌सच्या इव्हा वॅकॅन्नो हिच्या साथीत आयटीएफ टेनिस स्पर्धेत दुहेरीचे विजेतेपद मिळविले.