पंचांग -

शनिवार : वैशाख कृष्ण १३, चंद्रनक्षत्र भरणी, चंद्रराशी मेष, चंद्रोदय पहाटे ४.५८, चंद्रास्त सायंकाळी ५.२३, सूर्योदय ५.५९, सूर्यास्त ७.०४, शिवरात्री, भारतीय सौर ज्येष्ठ ७ शके १९४४.

दिनविशेष -

१९९२ - नौदलाच्या जहाजांना गती देणाऱ्या संयत्राचे प्रशिक्षण देण्यासाठी निर्माण करण्यात आलेल्या प्रतिकृती (सिम्युलेटर) चे नौदल प्रमुख ॲडमिरल एल. रामदास यांच्या हस्ते लोणावळा येथील आय.एन.एस.शिवाजी येथे उद्‌घाटन.

१९९४ - ‘एसकेएस १५००’ प्रकारच्या देशात बनविलेल्या ‘आयएनएस शंकुल’ या दुसऱ्या पाणबुडीचे पंतप्रधान पी. व्ही. नरसिंह राव यांच्या हस्ते जलावतरण.

२००० - पुणे येथील वनस्पतीशास्त्रज्ञ डॉ. वा. द. वर्तक यांना डॉ. जे. डब्ल्यू. हार्षबर्गर हा जर्मन पुरस्कार जाहीर.

२००७ - प्रख्यात सरोदवादक उस्ताद आशीष खाँ यांची ब्रिटनमधील रॉयल एशियाटिक सोसायटीचे ‘फेलो’ म्हणून निवड. हा सन्मान मिळविणारे ते देशातील पहिलेच संगीतकार.

२०१४ - हवेतून हवेत मारा करणाऱ्या ‘आकाश’ या क्षेपणास्त्राची ओडिशातील बालासोरच्या किनारपट्टीवर यशस्वी चाचणी.