पंचांग -

सोमवार : पौष कृष्ण १४, चंद्रनक्षत्र उत्तराषाढा, चंद्रोदय स. ७.१६, चंद्रास्त सायं. ५.३६, सूर्योदय ७.०९, सूर्यास्त ६.२६, सोमवती अमावास्या प्रारंभ दु. २.१९, मौनी अमावास्या (जैन), भारतीय सौर माघ ११ शके १९४३.

दिनविशेष -

२००४ : क्रीडामहर्षी हरिभाऊ साने यांना जीवनगौरव पुरस्कार जाहीर.

२००९ : भारताचा टेनिसपटू युकी भांब्री याने ऑस्ट्रेलियन खुल्या टेनिस स्पर्धेच्या ज्युनिअर एकेरीत विजेतेपद पटकावले. या स्पर्धेत मुलांचे विजेतेपद पटकावणारा तो पहिलाच भारतीय ठरला. कारकिर्दीतील हे त्याचे पहिलेच ज्युनिअर ग्रॅंड स्लॅम विजेतेपद आहे.

२०१२ : भारतीय हवाई दलासाठी मध्यम पल्ल्याची बहुउद्देशीय लढाऊ विमाने (१२६) खरेदी करण्याच्या व्यवहाराचे कंत्राट फ्रान्सच्या देसॉल्ट राफेल कंपनीला देण्याचा निर्णय संरक्षण मंत्रालयाने जाहीर केला.

२०१२ : अतिहलक्‍या प्रकारातील चालकविरहित ‘लक्ष्य-१’ या लक्ष्यभेदी विमानाची ओडिशातील चंडीपूर येथील ‘आयटीआर’ तळावर यशस्वी चाचणी घेण्यात आली.