पंचांग -

रविवार : भाद्रपद शुद्ध ८, चंद्रनक्षत्र ज्येष्ठा, चंद्रराशी वृश्‍चिक/धनू, चंद्रोदय दुपारी १.३०, चंद्रास्त रात्री १२.४२, सूर्योदय ६.२१, सूर्यास्त ६.४५, दुर्गाष्टमी, ज्येष्ठागौरी पूजन, भागवत सप्ताहारंभ, भारतीय सौर भाद्रपद १३ शके १९४४.

दिनविशेष -

• १९९९ - संपूर्ण देशी बनावटीच्या ‘नाग’ या रणगाडाविरोधी क्षेपणास्त्राची बालासोर येथील चंडीपूर तळावर यशस्वी चाचणी.

• २०१० - शांघायमध्ये झालेल्या जागतिक स्पर्धेत भारताच्या तिरंदाजी संघाने सुवर्णपदक जिंकले. पुरुषांच्या ‘रिकर्व्ह’ प्रकारात जपानवर २२४-२२० अशी मात. या स्पर्धेत जयंत तालुकदार, तरुणदीप आणि राहुल यांनी उत्तम कामगिरी केली.

• २०११ - दक्षिण कोरियातील जागतिक मैदानी स्पर्धेत जमैकाच्या उसेन बोल्टने आपला लौकिक दाखवून देत ४ बाय १०० मीटर रिले शर्यतीत विश्‍वविक्रमासह सुवर्णपदक मिळविले.

• २०१४ - स्वदेशी बनावटीची गस्ती नौका ‘आयएनएस सुमित्रा’ नौदलात दाखल.