Vastu Tips For Gifts : सर्वांना आनंदी आणि सुखी जीवन जगायचं आहे. त्यात येत्या काही काळात दिवाळीचा उत्सव आहे. याकाळात अनेकजण एकमेकांना भेटवस्तू देत असतात. काही भेटवस्तू आपल्यासाठी खूप शुभ मानल्या जातात. मात्र, काही भेटवस्तू शुभ मानल्या जात नाही. या भेटवस्तूंमुळे घरात गरिबी येण्यासोबतच नकारात्मक ऊर्जा वाढते. आज आपण अशाच भेटवस्तूंबद्दल जाणून घेणार आहोत ज्या घेणं टाळलं पाहिजे.

वास्तुशास्त्रानुसार सिंह, वाघ, चित्ता इत्यादी प्राण्यांचे चित्र किंवा मूर्ती देणे आणि घेणे शुभ मानले जात नाही. त्यामुळे घरातील लोकांमध्ये कलह निर्माण होतो. घरातील सुख-समृद्धी आणि शांती नष्ट होऊ शकते.

मावळत्या सूर्याचे चित्र

वास्तुशास्त्रानुसार, जर कोणी तुम्हाला मावळत्या सूर्याचे चित्र भेट म्हणून देत असेल तर, ते स्वीकारू नये. कारण यामुळे तुमच्या जीवनात आर्थिक समस्या निर्माण होऊ शकतात.

चाकू, सुरींसारख्या धारदार वस्तू

वरील वस्तूंशिवाय वास्तुशास्त्रानुसार चाकू, कात्री या सारख्या भेट वस्तू स्वीकारल्याने घरातील सदस्यांमध्ये वादाचे प्रसंग वाढू शकतात. तसेच आर्थिक अडचणींनाही सामोरे जावे लागू शकते. त्यामुळे धारदार वस्तू भेटवस्तू म्हणून स्वीकारणे टाळा.

घड्याळे, रुमाल आणि चामड्याच्या वस्तू

वास्तुशास्त्रानुसार, जर कोणी तुम्हाला घड्याळ, रुमाल, बेल्ट, पर्स किंवा चामड्याच्या वस्तू भेट दिल्या तर ते न घेण्याचा सल्ला दिला जातो. वास्तुशास्त्राच्या मान्यतेनुसार, यामुळे कुटुंबातील सदस्यांमध्ये मत्सराची भावना निर्माण होते. घरात सुख-शांती टिकवून ठेवण्यासाठी अशा भेटवस्तू स्वीकारणे टाळावे.