Vastu Tips: वास्तुशास्त्रात घरासाठी अनेक नियम सांगितलेले आहे. वास्तूमध्ये घराच्या प्रत्येक कोपऱ्याची निश्चित दिशा सांगितली आहे. वास्तूनुसार स्वयंपाकघरात काही दोष असेल तर त्याचा परिणाम फक्त स्वयंपाक बनवणाऱ्या व्यक्तीवर नाही तर संपूर्ण कुटुंबावर होतो.

स्वयंपाकघरातील शेगडी चुकीच्या दिशेला असेल तर घरातील सुख-शांती भंग होते. वास्तूनुसार स्वयंपाकघरात शेगडीच्या दिशेकडे विशेष लक्ष दिले पाहिजे. जाणून घ्या किचनमध्ये शेगडी कुठे आणि कोणत्या दिशेला ठेवावी हे जाणून घेऊया.

शेगडी या दिशेला ठेवणे टाळा

शेगडी कधीही उत्तर दिशेला ठेवू नका. ही दिशा माता लक्ष्मीचे प्रतिक मानले आहे. स्टोव्ह या दिशेला ठेवल्याने धनाची हानी होते असे मानले जाते.

पश्चिम दिशा ही पितृदेवतांचे प्रतीक आहे. वास्तूनुसार या दिशेला शेगडी ठेवल्याने कुटुंबात आरोग्याशी संबंधित समस्या निर्माण होतात.

दक्षिण-पश्चिम दिशा राहू ग्रहाचे प्रतीक आहे. या दिशेला स्टोव्ह ठेवल्याने नकारात्मक ऊर्जेचा प्रवाह वाढू शकतो. यामुळे मानसिक अस्वस्थता आणि समस्या निर्माण होऊ शकतात.

ईशान कोन म्हणजेच ईशान्य दिशेचा कोपरा हे देवाचे प्रतीक आहे. शेगडी या दिशेला ठेवल्याने पूजेत बाधा येते आणि घरात अशांतता निर्माण होते.

शेगडी कोणत्या दिशेला ठेवावी

आग्नेय कोन म्हणजेच आग्नेय दिशा ही अग्निदेवतेचे प्रतिक आहे. वास्तुनुसार या दिशेला स्टोव्ह ठेवणे शुभ मानले जाते, यामुळे घरात सुख-समृद्धी लाभते.

तसेच शेगडी पुर्वेकडे तोंड करून ठेवणे शुभ मानले जाते. ही दिशा सुर्यदेवाचे प्रतिक आहे. या दिशेला शेगडी ठेवल्याने घरात सकारात्मक उर्जा वाढते. तसेच ग्रहांची स्थिती मजबूत होते. यामुळे कुटूंबातील सदस्यांचे आरोग्य सुधारते.

डिस्क्लेमर : सदर लेख फक्त सामान्य माहितीसाठी आहे. सकाळ माध्यम समूह अशा कोणत्याही गोष्टींची पुष्टी करत नाही. अधिक तपशीलांसाठी तुम्ही तज्ज्ञांचे मार्गदर्शन घेऊ शकता.