पुणे : एखाद्या घरात एक्वॅरियममधील माशांकडे पाहून आपणही लहान होतो. त्यातील मासे, त्यांची रंगसंगती, त्यांची हालचाल या सर्व गोष्टी कुतूहलाने पाहतो. एक्वॅरियम बाबतीत अनेक समजुती आहेत. तो घरात असणे शुभ असते की अशुभ. याच प्रश्नांची उत्तरे आज जाणून घेऊयात.

घरात पॉझिटीव्ह ऊर्जा राहण्यास वास्तुशास्त्रातील नियम महत्त्वाची भूमिका बजावतात. वास्तुशास्त्रात मासे आणि एक्वॅरियम नेहमीच महत्त्वपूर्ण मानले गेले आहेत. पुर्वीच्या काळात राजवाडे, महाल यांमध्ये मोठे तलाव असायचे. त्यामध्ये मासे पाळले जायचे.

आजकाल घरात एक्वॅरियम ठेवण्याचा ट्रेंड आहे. लोक आपल्या आवडीचे मासे एक्वॅरियममध्ये ठेवतात. मात्र, वास्तुशास्त्रानुसार एक्वॅरियम किती मासे ठेवावे आणि ते कोणत्या रंगाचे असावेत, याबद्दल काही नियम आहेत.

शास्त्रानुसार एक्वॅरियम किमान नऊ मासे असावेत.त्यापैकी, आठ गोल्डन आणि लाल मासे असावेत.तर, एक मासा काळ्या रंगाचा असावा. एक्वॅरियममध्ये गोल्डन फिश असणे विशेष मानले जाते. गोल्ड फिश हे प्रगती आणि पॉझिटीव्ह ऊर्जेचे प्रतीक मानले जाते. त्यामुळे सोनेरी आणि लाल रंगाचे मासे घरात असणे शुभ असते.

एक्वॅरियम शक्यतो घराच्या हॉलमध्ये ठेवलेले असते. हे योग्य असले तरी, ते पूर्व, उत्तर किंवा उत्तर-पूर्व दिशेलाच ठेवले आहे याची खात्री करा. फेंगशुई वास्तुशास्त्रानुसार मत्स्यालयात किमान 9 मासे ठेवणे आवश्यक आहे. आठ मासे सोनेरी आणि लाल रंगाचे असावेत. याशिवाय काळ्या रंगाचा मासा असणे शुभ असते.