नवी दिल्ली : राजधानी दिल्लीत आगीच्या घटना सुरुच असून, आज (गुरुवार) पहाटे पूर्व दिल्लीतील एका इमारतीला भीषण आग लागली. या आगीतून 40 जणांना सुखरूप वाचविण्यात आले आहे.
पूर्व दिल्लीतील कृष्णनगर भागात आज पहाटे चार मजली इमारतीला आग लागली. या इमारतीच्या तळ मजल्यावर प्लॅस्टिक ठेवण्यात आले होते. त्यामुळे आग भडकल्याचे सांगण्यात येत आहे. आगीची माहिती मिळताच अग्निशमन दलाच्या गाड्या घटनास्थळी दाखल झाल्या आणि आगीवर नियंत्रण मिळविण्यात आले.
आज पहाटे दोनच्या सुमारास ही आग लागली. इमारतीत राहत असलेल्या सुमारे 40 नागरिकांनी टेरेसवर आश्रय घेतला. तेथून या नागरिकांची अग्निशमन दलाच्या जवानांनी सुखरूप सुटका केली आहे. दिल्लीत नुकतीच अनाज मंडी येथील कारखाऩ्यांना लागलेल्या आगीत 45 जणांचा मृत्यू झाला होता. त्यानंतर पुन्हा एकदा गेल्या आठवड्यात आगीची घटना घडली होती. त्यातही नऊ जणांना जीव गमवावा लागला होता.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.