लखनऊ : उत्तर प्रदेशात गुन्हेगारीचं प्रमाण वाढताना दिसत आहे. महिला, दलित अन् धार्मिक दंगलींच्या अनेक घटना इथं वारंवार घडल्या आहेत. त्यातच आता एक हिणकस आणि माणुसकीला काळीमा फासणारी घटना समोर आली आहे. यामध्ये एका ८० वर्षीय वृद्ध महिलेवर तिच्या नात्यातीलच एका २२ वर्षीय तरुणानं बलात्कार केल्याची खळबळजनक घटना समोर आली आहे. (80 year old woman was allegedly raped by her 22 year old relative in UP Kanpur)

इंडिया टुडेच्या माहितीनुसार, 28 मार्च रोजी कानपूरच्या बिल्हौर भागात एका 80 वर्षीय महिलेवर तिच्या 22 वर्षीय नातेवाईकाने बलात्कार केल्याची घटना घडली आहे. पोलिसांनी आरोपीलाही अटक केली आहे. (Marathi Tajya Batmya)

पोलिसांच्या माहितीनुसार, गुरुवारी रात्री उशिरा महिला घरात झोपलेली असताना ही घटना घडली. आरोपीनं मद्यधुंद अवस्थेत तिच्या घरात घुसून तिच्यावर बलात्कार केला. त्याने या वृद्ध महिलेला बेदम मारहाण करून तिचा एक दातही तोडला. पीडितेनं जेव्हा आरडा ओरडा केला तेव्हा आरोपीनं भिंतीवरून उडी मारून पळ काढला. (Latest Marathi News)

पोलीस अधिकाऱ्यांनी सांगितलं की, पीडित महिला आरोपीची आजी असून ते दोघेही एकाच परिसरात राहतात. आरोपी मजुरीचं काम करतो आणि त्याला दारू पिण्याचं व्यसन आहे. या घटनेपूर्वी त्यांनी मित्रांसोबत मद्यप्राशन केलं होतं. शुक्रवारी, आरोपीला कोर्टात हजर केलं गेलं त्यानंतर कोर्टानं आरोपीला तुरुंगात रवानगी केली आहे.