MiG 29K fighter Aircraft Crashed : गोव्याच्या किनाऱ्यावर भारतीय हवाई दलाचे 29के लढाऊ विमान समुद्रात क्रॅश झाल्याचे समोर आले आहे. हे विमान तळावर परतत असताना त्यात तांत्रिक बिघाड झाल्याने हा अपघात झाल्याचे सांगितले जात आहे. दरम्यान, सुदैवाची बाब म्हणजे या उपघातात वैमानिक सुखरूप असून, त्याची प्रकृती स्थिर असल्याची माहिती भारतीय नौदलाकडून देण्यात आली आहे. गोव्याच्या किनाऱ्यावर नियमित उड्डाण करून तळावर परतत असताना काही तांत्रिक बिघाडामुळे मिग-२९ के हे लढाऊ विमान समुद्रात कोसळल्याचे सांगितले जात आहे.

अपघातापूर्वी वैमानिकाने परिस्थितीचे गांभीर्य लक्षात घेत विमानातून समुद्रात उडी मारली. त्यानंतर नौदलाने शोध आणि बचाव सूत्र तातडीने हालवत या वैमानिकाला वाचवण्यात यश मिळवले. सध्या वैमानिकाची प्रकृती स्थिर असल्याचे नौदलाकडून सांगण्यात आले आहे. दरम्यान, मिग-29 'के' लढाऊ विमानाचा अपघात नेमका कसा झालाचा याचा तपास करण्याचे आदेश BOI ला देण्यात आले आहेत.