सोमवारी ओरिसातील बालासोर जिल्ह्यात एका तरूणाने स्वतःचा जीव धोक्यात घालून मित्राचा जीव वाचवण्याचा प्रयत्न केला. मात्र. यामध्ये वाचवायला गेलेल्या तरूणासह त्याच्या मित्राचा देखील मृत्यू झाला आहे. एक्स्प्रेस गाडीची धडक बसल्याने दोन्ही तरुणांनी आपला जीव गमावला.

मिळालेल्या माहितीनुसार, एका तरूणाने आत्महत्या करण्यासाठी ट्रेनसमोर उडी मारली होती. दुसऱ्या त्याच्या एका मित्राने त्याला थांबवण्याचा प्रयत्न केला. मात्र दोघांनाही या अपघातात जीव गमवावा लागला.

सरकारी रेल्वे पोलिस अधिकाऱ्यांनी आज (मंगळवारी) सांगितले की, राकेश कुमार पाधी आणि त्याचा मित्र हेमंत साहू सोमवारी रात्री दंडहारीपूर रेल्वे क्रॉसिंगवर पोहोचले जेव्हा पुरी हावडा एक्सप्रेस जात होती. रेल्वेचे गेटकीपर निरंजन बेहरा यांनी सांगितले की, एक्स्प्रेस ट्रेन क्रॉसिंगच्या काही वेळापूर्वी मागे बसलेला एक तरुण खाली उतरला आणि रेल्वे रुळाच्या दिशेने पळू लागला.

"जेव्हा इतर तरुण त्याला वाचवण्यासाठी त्याच्या मागे धावले, तेव्हा ते दोघेही एक्स्प्रेस ट्रेनने आले त्यामध्ये दोघांचा मृत्यू झाला. त्यांचे मृतदेह किमान 100 मीटरपर्यंत ओढले गेले," अशी माहिती रेल्वे गेटकीपरने दिली. तो पुढे म्हणाला, "त्यांच्यापैकी एक जण ट्रेनसमोर उडी मारण्याचा प्रयत्न करत होता, तर दुसऱ्याने त्याला वाचवण्याचा प्रयत्न केला आणि दुर्दैवाने त्याचा मृत्यू झाला."