पिठोरागड : उत्तराखंडमधील मुनसियारी येथील दरीत गुरुवारी मोटार कोसळल्याने दहा जणांचा मृत्यू झाल्याची माहिती स्थानिक प्रशासनाच्यावतीने देण्यात आली. प्रशासनाने दिलेल्या माहितीनुसार मोटारीतून प्रवास करणारे सर्व प्रवासी हे दिडीहाट येथील कोकीळा देवी मंदिरामध्ये दर्शनासाठी निघाले होते.

गुरुवारी सकाळी साडेसातच्या दरम्यान, या प्रवाशांना घेऊन जाणारी मोटार मुनसियारी येथील दरीत सुमारे सहाशे फूट खोल कोसळून अपघात झाला. या अपघातात मोटार चालकासह मोटारमधील सर्वांचा मृत्यू झाला. येथील स्थानिक आपत्ती निवारण पथकाने अपघातात मृत्यूमुखी पडलेल्या सर्वांचे मृतदेह दरीतून बाहेर काढले आहेत.

मृतांची ओळख पटली असून मृतांमध्ये एका महिलेचा देखील समावेश आहे. स्थानिकांनी दिलेल्या माहितीनुसार मुनसियारी येथे बुधवारी रात्री मुसळधार पाऊस झाल्‍याने या रस्त्यावर चिखल होऊ रस्ता निसरडा झाला होता. त्यामुळेच हा अपघात झाल्याची आहे.