पाटणा: बिहारच्या राजधानीत न्यायालयाच्या आवारातच आज खटला सुरू असलेल्या आरोपीची दोघांनी गोळ्या झाडून हत्या केली. पोलिसांसमोरच घडलेल्या या घटनेने एकच खळबळ उडाली. गोळ्या झाडणाऱ्या दोन्ही आरोपींना पोलिसांनी तत्काळ अटक केली.

अभिषेक कुमार ऊर्फ छोटे सरकार असे हत्या केलेल्या आरोपीचे नाव असून इतर अनेक गुन्ह्यांसह त्याच्याविरुद्ध खुनाचा खटलाही सुरू आहे. यासंदर्भात त्याला पोलिसांनी आज पाटणा जिल्ह्यातील दानापूर न्यायालयात नेले होते. त्यावेळी, दोघांनी त्याच्यावर बेछूट गोळीबार केला. त्यात त्याचा मृत्यू झाला. (Crime News)

न्यायालयाच्या परिसरातून चार गोळ्या पोलिसांनी जप्त केल्या. पोलिसांनी आरोपींना तत्काळ अटक केली. त्यांची सखोल चौकशी केली जात आहे. ते मुझफ्फरनगरमधील आहेत. (Latest Marathi News)